ရန်ကုန်မြို့ ဒဂုံတောင်/မြောက်လမ်းဆုံးအနီးရှိရဲစခန်းအား ယနေ့(နိုဝင်ဘာ ၂၅)မွန်းလွဲပိုင်းတွင် အမည်မသိအဖွဲ့တစ်ဖွဲ့က သေနတ်ဖြင့်ပစ်ခတ်ခဲ့ကြောင်း ဒေသခံများကပြောသည်။
အဆိုပါပစ်ခတ်မှုကြောင့် ရဲစခန်းအတွင်းမှ ပြန်လည်ပစ်ခတ်မှုအချို့လည်းရှိခဲ့ပြီး နှစ်ဖက်ထိခိုက်မှုရှိ၊မရှိ မသိရသေးပေ။မည်သသည့်အဖွဲ့ကပစ်ခတ်တိုက်ခိုက်သည်ကိုလည်းမသိ့ရှိရသေးပါ။
“ဖြစ်တာတော့ ပြီးခဲ့တဲ့နာရီပိုင်းလောက်က ဖြစ်သွားတာ။ ဘယ်အဖွဲ့က လုပ်တယ်ဆိုတာတော့ မသိရသေးဘူး။ ကားပေါ်ကနေ လှမ်းပစ်သွားတယ်လို့ သိရတယ်”ဟု ဒေသခံတစ်ဦးက ပြောသည်။
အထက်ပါ ပစ်ခတ်မှုဖြစ်ပွားပြီးနောက်ပိုင်း ပြည်ထောင်စုလမ်းမကြီးနှင့် အမှတ်(၂)လမ်းမကြီးတို့ရှိ အချက်အခြာကျသည့်နေရာများတွင် စစ်ကောင်စီတပ်များ ခြေရှုပ်နေကြောင်း ဒေသခံအချို့ကပြောသည်။
ပြီးခဲ့သည့် နိုဝင်ဘာ ၁၈ ရက်နှင့် ၂၄ ရက်နေ့များတွင်လည်း တောင်/မြောက်လမ်းဆုံး ရဲစခန်းအနီးနှင့် အခြားနေရာတစ်ခုတွင် ပေါက်ကွဲမှုဖြစ်ခဲ့သေးသည်။