ဘဏ်များတွင် ထားရှိရမည့် အနည်းဆုံးသီးသန့်ငွေကို ငွေသားဖြင့်ပါထားရှိရမည်ဟု အာဏာသိမ်းစစ်ကောင်စီ၏ ဗဟိုဘဏ်ကထုတ်ပြန်သည်။
ယခင်က ပြည်တွင်းဘဏ်များတွင် အနည်းဆုံးသီးသန့်ငွေထားရမည့် ပမဏာကို စာရင်းရှင်အပ်ငွေ ဘဏ်စာရင်းဖြင့်သာထားရှိရမည်ဟုသတ်မှတ်ထားမူကို ယခုအခါ ငွေသားဖြင့်ထားရှိရမည်ဟု အကြမ်းဖက်စစ်ကောင်စီထိန်းချုပ်ထားသည့် ဗဟိုဘဏ်ကတင်းကျပ်ထုတ်ပြန်လာခြင်းဖြစ်သည်။
အကြမ်းဖက်စစ်တပ်က နိုင်ငံတော်အာဏာကို လုယူပြီးနောက် ဘဏ်များတွင် အနည်းသီးသန့်ငွေကို ဘဏ်တွင်လာအပ်သည့် ငွေများ၏ သုံးရာခိုင်နှုန်းထားရှိရမည်ဟု ပြင်ဆင်ကန့်သတ်ခဲ့သည်။ အရပ်သားအစိုးရလက်ထက်တွင် ၃ ဒသမ ၅ ရာခိုင်နှုန်း ထားရှိရမည်ဟု ကန့်သတ်ထားခြင်းဖြစ်သည်။ ယခုအခါ အနည်းသီးသန့်ငွေ ၃ ရာခိုင်နှုန်း၌ ဘဏ်စာရင်းများဖြင့် ၇၅ ရာခိုင်နှုန်းထားရှိရမည်ဖြစ်ပြီး ငွေသားဖြင့် ၂၅ ရာခိုင်နှုန်းထားရှိရမည်ဟုသတ်မှတ်ခြင်းဖြစ်သည်။
ထိုသို့ကန့်သတ်ခြင်းမှာ ဘဏ်များတွင် ငွေကြေးလုံလောက်မူကို အထောက်အကူပြုစေရန်အတွက်ဖြစ်သည်ဟု အကြမ်းဖက်စစ်တပ်၏ ဗဟိုဘဏ်ကဆိုသည်ကန့်သတ်ချက်ကို လိုက်နာမူမရှိသည့်ဘဏ်များကို ဒဏ်ကြေးတပ်သွားမည်ဟု စစ်ကောင်စီဗဟိုဘဏ်က ခြိမ်းခြောက်ထားသည်။
“ဘဏ်တွေမှာ ငွေသားထားဖို့ ကန့်သတ်တာလိုမြင်ပါတယ်။ ငွေထုတ်ပေးတာတွေ ပိုတင်းကြပ်လာမယ့် သဘောပါပဲ”ဟု ဘဏ်လုပ်ငန်းကျွမ်းကျင်သူတစ်ဦးကပြောသည်။
အကြမ်းဖက်စစ်ကောင်စီက နိုင်ငံတော်အာဏာကို လုယူပြီးနောက် စစ်ကောင်စီနှင့် ဘဏ်များအပေါ်မယုံသဖြင့် ပြည်သူများက ဘဏ်မှငွေများပြန်ထုတ်ကြရာ အပ်သူမရှိဘဲ ပြန်ထုန်သူသာများပြီးနောက်ငွေထုတ်ပေးမူကို ကန့်သတ်ခဲ့သည်။ ထိုသို့ကိုယ့်ငွေကိုယ်ပြန်ထုတ်သည့်အပေါ် ကန့်သတ်မူများလာပြီး ငွေထုတ်ရခက်ခံလာသောကြောင့် လူထုက ဘဏ်များအပေါ်လူထုယုံကြည်မူပိုမိုကျဆင်းနေခြင်းဖြစ်သည်။