❑ စစ်​ကောင်စီတပ်က ထန်တလန်မြို့ကိုဘယ်လိုမီးရှို့ခဲ့သလဲ

ချင်းပြည်နယ် ထန်တလန်မြို့ကို အာဏာသိမ်းစစ်ကောင်စီတပ်က အကြိမ်ကြိမ်မီးရှို့နေခြင်းမှာ စစ်ရေးအရ အသာစီးရယူရန်၊ ဘာသာရေးအရ ဖိနှိပ်ရန်နှင့် ချင်းလူမျိုးများ စီးပွားရေး လူမှုရေး နလန်မထူနိုင်စေရန် ရည်ရွယ်ဆောင်ရွက်ခြင်းဖြစ်သည်ဟု ချင်းအမျိုးသားတပ်ဦး/ချင်းအမျိုးသားတပ်မတော် (CNF/CNA) ပြောရေးဆိုခွင့်ရှိသူ ဆလိုင်းထက်နီက သုံးသပ်​ပြောကြားသည်။

“တခြား အကြောင်းအရာဆိုရင်တော့ ချင်းပြည်နယ်မှာ ဘုရားကျောင်းတွေ လက်ဝါးကပ်တိုင်တွေ သူတို့က ဖျက်ဆီးခဲ့တာ နည်းတာမဟုတ်ဘူး။ ချင်းပြည်နယ်အနှံ့မှာ ဘုရားကျောင်း ၂၂လုံးလောက်ရှိပြီ သူတို့ဖျက်တာ။ စစ်ကိုင်းတိုင်း၊ မကွေးတိုင်း ဘက်မှာရောဆို ၃၀ကျော်ပြီ” ဟု ဆလိုင်းထက်နီက​ People’s Spring သို့ပြောသည်။သို့​​သော် အဆိုပါလုပ်ရပ်များ​နှင့် စစ်​ကြောင်းတိုးချဲ့​နေမှုကြောင့် ချင်းပြည်နယ်တွင် ပိုမိုပြင်းထန်​သောတိုက်ပွဲများသာဖြစ်လာမည်ဖြစ်​ကြောင်း၎င်းကဆက်​ပြောသည်။