စစ်ကိုင်းတိုင်း၊ ဒီပဲယင်းပြည်သူ့ကာကွယ်ရေးတပ်ဖွဲ့၏ တပ်ခွဲစခန်းတစ်ခုအား အကြမ်းဖက်စစ်ကောင်စီတပ်ဖွဲ့ဝင်များက ဝင်ရောက်ဖျက်ဆီးခဲ့ပြီး PDFဘက်မှ တပ်ဖွဲ့ဝင်များ ထိခိုက်ဒဏ်ရာရရှိခြင်းမရှိကြောင်း ဒီပဲယင်း PDFက သတင်းထုတ်ပြန်သည်။
ဒီဇင်ဘာလ ၄ ရက်နေ့ နံနက် (၁၀) နာရီခန့်ကဒီပဲယင်းပြည်သူ့ကာကွယ်ရေးတပ်ဖွဲ့၏ တပ်ခွဲစခန်းတစ်ခုကို အကြမ်းဖက်စစ်ကောင်စီတပ်များက ဝင်ရောက် ဖျက်ဆီးခဲ့ကြသဖြင့်ထမင်းစားရာတွင်သုံးသည့် ပန်းကန်ပြား အချပ် ၁၀၀၊ပန်းကန်လုံး – ၅၀၊ ဇွန်း – ၁၀၀၊ ချောင် – ၅ လုံး၊ ယောက်ချိုဇွန်းကြီး – ၅ ချောင်း၊သတ္ထုခွက် – ၁ ခွက်၊ ဆီစစ် – ၁ ခု၊ မိုးပြဲဒယ်အိုးကြီး – ၁ လုံး၊ ကြက်သွန်စက် – ၁ ခု၊ ထမင်းပေါင်းထုံ – ၁ ခု၊ ဒန်ခွက်ကြီး – ၁ ခု၊တိုက်ပန်းကန်ပြား – ၁၀ ချပ်၊ရေနွေးတည်အိုး – ၁ ခု၊ဓာတ်ဗူး – ၂ လုံး၊ မီးစက် 3K အစုံ – ၁ လုံး၊ ဆိုင်ကယ် – ၃ စီးအား ဖျက်ဆီးသွားခဲ့ကြပြီး ကာလတန်ဖိုး သိန်း ၃၀ ကျော်ခန့် ပျက်စီးဆုံးရှုံးခဲ့ကြောင်း၊ တပ်ဖွဲ့ဝင်များ ထိခိုက်ဒဏ်ရာရရှိခြင်းမရှိကြောင်း ဒီပဲယင်းပြည်သူ့ကာကွယ်ရေးတပ်ဖွဲ့က အသိပေးခဲ့သည်။
ဖျက်ဆီးခံခဲ့ရသော်လည်း ဒီပဲယင်း PDFအဖွဲ့ဝင်များသည် စိတ်ဓာတ်ကျခြင်းအလျဥ်းမရှိဘဲ ထုတ်ပြန်ချက်တွင် ပေါ့ပါးရွှင်မြူးနေသောစကားများကိုပါ ထည့်သွင်းထုတ်ပြန်ခဲ့သည်။
အကြမ်းဖက်စစ်ကောင်စီတပ်အား ခုခံတိုက်ခိုက်နေကြသည့် စစ်ကိုင်းတိုင်းအတွင်းနယ်များတွင် ဒီပဲယင်းမြို့နယ်သည်လည်း တစ်ခုအပါအဝင်ဖြစ်ပြီး ယခုဒီဇင်ဘာလဆန်း၌ပင် အကြမ်းဖက်စစ်ကောင်စီနှင့် ဒေသတွင်းPDFများအကြား တိုက်ပွဲများဖြစ်ပွားနေသည်။
Public Service Announcement
