ပါ​ပေါင်းရွာတိုက်ပွဲတွင် ဒေသခံတစ်ဦး​ သေနတ်မှန်ကွယ်လွန်

ကချင်ပြည်နယ် ဗန်းမော်မြို့နယ် ပါ​ပေါင်း​ရွာတိုက်ပွဲတွင် ပြည်သူ့ကာကွယ်ရေးတပ်များနှင့် အကြမ်းဖက်စစ်ကောင်စီတပ် တိုက်ပွဲအပြင်းအထန်ဖြစ်ခဲ့ပြီး ​ဒေသခံပြည်သူတစ်ဦး သေနတ်ကျည်ထိမှန် ကွယ်လွန်ခဲ့သည်။

ဗန်းမော်မြို့နယ်တစ်ဖက်ကမ်း ပါပေါင်းကျေးရွာတွင် ဒီဇင်ဘာလ ၄ရက်ကဖြစ်ပွားသော တိုက်ပွဲအတွင်း​ဒေသခံတစ်ဦး​ သေနတ်ကျည်ထိ့မှန်ကျဆုံးခဲ့ခြင်းဖြစ်သည်။​သေနတ်မှန် ကွယ်လွန်ခဲ့သူမှာ ပါ​ပေါင်းကျေးရွာ၏အမျိုးသားဒီမိုက​ရေစီအဖွဲ့ချုပ်ပါတီအလုပ်အမှုဆောင် ဖြစ်​ကြောင်း ​ဒေသခံအချို့က​ပြောသည်။

“အိမ်ရှေ့မှာ ရှိနေတုန်း သေနတ်မှန်သွားတာ။ဦးမြင့်အေးက ပါတီအပေါ် သစ္စာရှိပြီး အခက်အခဲကာလမှာ တာဝန်ကျေသူပါ”ဟု ဗန်းမော်မြို့မှ ဒီချုပ်ပါတီထောက်ခံသူတစ်ဦးက ပြောသည်။

ဦးမြင့်အေးသည် သေဆုံးချိန်တွင် အသက် ၅၇ နှစ်ရှိပြီဖြစ်သည်။ ရွေးကောက်ပွဲအောင်နိုင်ရေးကာလတွင်ရောစစ်တပ်အာဏာသိမ်းပြီး နောက်ပိုင်းကာလများတွင်ပါ ဒီချုပ်ပါတီကိုယ်စားပြုကာ ဒေသခံလူထုနှင့်အတူ ရပ်တည်ခဲ့သူဟုဗန်းမော်မြို့ခံများက ပြောသည်။

Public Service Announcement

ပါပေါင်းကျေးရွာတိုက်ပွဲသည် ၁၅မိနစ်ခန့် ကြာမြင့်ခဲ့ပြီး PDFဖက်က ထိခိုက်မှုမရှိခဲ့ချေ။ စစ်ကောင်စီဘက်က ထိခိုက်မှုကိုမှုရှိ၊မရှိကိုမူမသိရကြောင်း ဗန်းမော်မြို့ခံများက ပြောသည်။