စစ်ကိုင်းတိုင်း၊ဆားလင်းကြီး ဒေသမှာ ဒေသခံ ၁၁ ဦးကို မီးရှို့သတ်ဖြတ်တဲ့ဖြစ်ရပ်ဟာ စစ်ကောင်စီအနေနဲ့ ပြည်သူတွေအပေါ် လူမဆန်စွာအကြမ်းဖက် နှိပ်စက်ပုံကို တစ်ကမ္ဘာလုံးက သိမြင်သွားတဲ့သက်သေတွေဖြစ်တယ်လို့ NUG ကာကွယ်ရေးဝန်ကြီးဌာနရဲ့အမြဲတမ်းအတွင်းဝန် ဦးနိုင်ထူးအောင်ကပြောလိုက်ပါတယ်။
ဒါကြောင့် စစ်ကောင်စီလက်အောက်ကနေ ပြည်သူတွေအမြန်ဆုံးလွတ်မြောက်အောင် NUG ရဲ့ကာကွယ်ရေးဝန်ကြီးဌာနအနေနဲ့ အရင်ကထက် အရှိန်မြှင့်ဆောင်ရွက်သွားမယ်လို့ ဦးနိုင်ထူးအောင်ကဆိုပါတယ်။
စစ်ကိုင်းတိုင်းထဲမှာလည်း ပြည်သူ့ကာကွယ်ရေးတပ်တွေရဲ့အနေအထားဟာအရင်ကထက်အများကြီး တိုးတက်လာတယ်လို့ ပြောပါသေးတယ်။
စစ်ကောင်စီတပ်ဖွဲ့ဝင်တွေဟာ စစ်ကိုင်းတိုင်း၊ ဆားလင်းကြီးဒေသက ဒုံးတောကျေးရွာ မှာ ဒေသခံ ၁၁ ဦးကို အစုလိုက် မနေ့က ဒီဇင်ဘာလ ၇ ရက်က မီးရှို့သတ်ဖြတ်ခဲ့တာပါ။
Public Service Announcement
ဒုံးတောကျေးရွာနဲ့အနီးတဝိုက် ရွာ ၈ ရွာက ဒေသခံတွေဟာလည်း စစ်ကောင်စီတပ်ဖွဲ့ဝင်တွေရဲ့ဘေးကလွတ်အောင် တိမ်းရှောင်နေကြရပါတယ်။
စစ်အာဏာသိမ်းတာကို ပြင်းပြင်းထန်ထန်ဆန့်ကျင်တဲ့ စစ်ကိုင်းတိုင်းကို စစ်ကောင်စီဟာ စစ်ဆင်ရေးတစ်ရပ်အနေနဲ့ဆင်နွှဲနေတာဖြစ်ပါတယ်။
စစ်ကိုင်းတိုင်းမှာ စစ်ကောင်စီဟာ လေကြောင်းကတိုက်ခိုက်တာတွေကိုလည်းလုပ်ဆောင်ခဲ့ပါတယ်။
