မြင်းခြံတွင် စစ်ကောင်စီယာဉ်တန်းကို မဟာမိတ်အဖွဲ့များတိုက်ခိုက်ရာ ရဲသုံးဦး သေ

အကြမ်းဖက်စစ်ကောင်စီကားနှင့်ဆိုင်ကယ်ယာဥ်တန်းကို မြင်းခြံမြို့နယ် ပြည်သူ့ကာကွယ်ရေး မဟာမိတ်လေးဖွဲ့ပေါင်း၍ မိုင်းခွဲတိုက်ခိုက်ခဲ့ပြီး ရဲသုံး ဦး​သေဆုံးခဲ့သည်ဟု မြောင်မြို့နယ် TGR ပြည်သူ့ကာကွယ်ရေးတပ်ဖွဲ့ကသတင်းထုတ်ပြန်သည်။

မြင်းခြံမြို့နယ်၊ ဆီမီးခုံမြို့မှ ထွက်ခွာလာသော အကြမ်းဖက်စစ်ကောင်စီယာဥ်တန်း ကို နံ့သလှိုင်ရွာနှင့် ငါန်းနန်းကျေးရွာကြား ချောင်းကူးတံတားတွင် ယမန်နေ့( ဒီဇင်ဘာလ ၈ ရက်) နံနက် ၈ နာရီ ၄၅ မိနစ်ခန့်၌ မိုင်းခွဲတိုက်ခိုက်ခဲ့ခြင်းဖြစ်သည်။

စစ်ကောင်စီယာဥ်တန်းတွင် ကား တစ်စီးနှင့် ဆိုင်ကယ် သုံး စီးပါဝင်ပြီး ဆိုင်ကယ် သုံး စီး ပျက်စီးကာ ရဲတပ်သား သုံး ဦးနေရာတွင်သေဆုံးကြောင်း မြောင်မြို့နယ် TGR ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။

ယင်းတိုက်ခိုက်မှုကို မြောင်မြို့နယ် TGR ပြည်သူ့ကာကွယ်ရေးတပ်ဖွဲ့၊ Myaung Special People’s Defense Force ( MSPDF)၊ 27 Revolution Force၊ ငါန်းဇွန် Five Starအဖွဲ့ ပူးပေါင်းမဟာမိတ် ၄ ဖွဲ့မှ မိုင်းဆွဲတိုက်ခိုက်ခဲ့ခြင်းဖြစ်သည်။

Public Service Announcement

ယမန်နေ့ နံနက်ကတိုက်ခိုက်ခဲ့သော်လည်းဒေသတွင်း လုံခြုံရေးအခြေအနေအရ ယနေ့နံနက်မှသာ ထုတ်ပြန်ရခြင်းဟု TGRက ရှင်းလင်းထားသည်။ထို့အပြင် ပြည်သူ့ကာကွယ်ရေးမဟာမိတ်ပူးပေါင်းအဖွဲ့များအနေဖြင့် အကြမ်းဖက်စစ်ကောင်စီတပ်များကို နေရာဒေသမရွေးဘဲ သုတ်သင်သွားမည်ဟုလည်း ​ဖော်ပြထားသည်။