တောင်ဥက္ကလာပမြို့နယ် ပဒေသာလမ်းဆုံအနီးတွင် အိမ်စီးကားတစ်စီးက ဘထ္ထရီစက်ဘီးနင်းလာသူတစ်ဦးကိုအိမ်စီးကားတစ်စီးက တိုက်ပြီး မောင်းပြေးသွားကြောင်း ယင်းဖြစ်စဥ်ကိုမျက်မြင်တွေ့ခဲ့သူတစ်ဦးက ပြောသည်။
“Honda Insight တိုက်သွားတာ တိုက်ပြီးပြေးသွားတယ် ကောင်လေးကို Probox တစ်စီးက တင်ပြီးဆေးရုံပြေးမှ ပြန်လာတယ် ကားအရှေ့မှန်ရစရာကို မရှိဘူး အနောက်အမြီးလည်းကျိုးသွားတယ်”ဟု ယင်းဖြစ်စဥ်ကိုတွေ့မြင်ခဲ့သည့် အမျိုးသားကပြောသည်။
ကားနံပတ်ကို သေသေချာချာမမှတ်မိသော်လည်း ကားမောင်းလာသူမှာ မူးနေသည်ဟု ယူဆရကြောင်း ၎င်းကဆိုသည်။
ယနေ့ (ဒီဇင်ဘာ ၁၁) ရက် ည ၈နာရီအချိန်ခန့်တွင် ဖြစ်ခဲ့ခြင်းဖြစ်ပြီး ကားတိုက်ခံရသူသည် သတိမေ့နေသောကြောင့် အောင်ရတနာဆေးရုံသို့ပို့ဆောင်ခဲ့ကြောင်း တောင်ဥက္ကလာသတင်းပေ့ချ်၌ ရေးသားထားသည်။