မကွေးတိုင်း တောင်တွင်းကြီးမြို့ မြန်မာ့ဆက်သွယ်ရေးရုံးနှင့် မြို့နယ်စည်ပင်ရုံးတို့ကို ဗုံးဖြင့်တိုက်ခိုက်ခဲ့ကြောင်း ဗိဿနိုးနယ်မြေပြည်သူ့ကာကွယ်ရေးတပ်မတော်က ထုတ်ပြန်သည်။
ယနေ့(ဒီဇင်ဘာ ၁၃ရက်)နေ့လည်ပိုင်းက ပြုလုပ်ခဲ့သည့် အဆိုပါတိုက်ခိုက်မှုကို MDA-နဂါးတပ်ဖွဲ့နှင့်အတူ ပူး ပေါင်းလက်တွဲ ဆောင်ရွက်ခဲ့သည်ဟု ဖော်ပြထားသည်။
အဆိုပါ ရုံးများကို ဗုံးဖြင့်တိုက်ခိုက်ရခြင်းမှာ မြန်မာ့ဆက်သွယ်ရေးရုံးဝန်းအတွင်းတွင် စစ်ကောင်စီတပ်ဖွဲ့ဝင်များ တပ်စွဲနေထိုင်နေခြင်းနှင့် စစ်ကောင်စီလက် အောက်ခံ စည်ပင်ဝန်ထမ်းများသည်လည်း အသံတိတ် သပိတ် Silent Strike တွင် ပါဝင်ခဲ့ကြသော မြို့နယ်အတွင်းရှိ ဈေးဆိုင်မျာကို ဖိအားပေးမတရားမှုများလုပ်ဆောင်နေခြင်းတို့ကြောင့်ဖြစ်သည်ဟု ထုတ်ပြန်ခဲ့သည်။
ဗိဿနိုးနယ်မြေ ပြည်သူ့ကာကွယ်ရေးတပ်မတော်အနေဖြင့် MDA-နဂါးတပ်ဖွဲ့ (မကွေး)နှင့် ပူးပေါင်းကာ စစ်အာဏာရှင်စနစ်အမြစ်ပြုတ်သည်အထိ တိုက်ခိုက်သွားမည်ဖြစ်ပြီး ပြည်သူလူထုအနေဖြင့် ပူးပေါင်းပါဝင်ကြပါရန် လေးစားစွာမေတ္တာရပ်ခံကောင်းလည်း ဖော်ပြထားသည်။
Public Service Announcement
