Connect with us

Hi, what are you looking for?

LuduNwayOo

News

လှိုင်သာယာ ပြောက်ကျားတပ် CGF – HTY တပ်ခွဲခေါင်းဆောင်အပါအဝင် ၉ ဦးဖမ်းဆီးခံရ

အထက်ပါ ပေါက်ကွဲမှုဖြစ်စဥ်အတွင်း ဖမ်းဆီးခံရသော ရဲဘော်နှစ်ဦးနှင့် ဆက်စပ်ပြီး လှိုင်သာယာ (၁၄)ရပ်ကွက်ရှိ CGF – HTY အဖွဲ့ ခိုလှုံရာအိမ်တစ်လုံး ထပ်မံဝင်အစီးခံရသည့်အပြင် တပ်ခွဲခေါင်းဆောင်အချို့ပါ ဖမ်းဆီးခံခဲ့ရကြောင်း ၎င်းက ဆက်ပြောသည်။

လှိုင်သာယာမြို့နယ်ရှိ မြို့ပြပြောက်ကျားတပ်ဖွဲ့(CGF – HTY)မှ တပ်ခွဲခေါင်းဆောင်အပါအဝင် ၉ ဦးဖမ်းဆီးခံခဲ့ရကြောင်း ယင်းအဖွဲ့တာဝန်ရှိသူတစ်ဦးက လူထု​နွေဦးသို့ အတည်ပြုသည်။

လှိုင်သာယာမြို့နယ် (၁၂) ရပ်ကွက်ရှိ နေအိမ်တစ်ခုတွင် CGF – HTY အဖွဲ့ဝင်အချို့မှ တိုက်ခိုက်ရေးပစ္စည်းများစမ်းသပ်စဥ် ပေါက်ကွဲမှဖြစ်ပွားခဲ့ရာ တပ်ဖွဲ့ဝင်တော်လှရေးရဲဘော်နှစ်ဦး စတင်အဖမ်းခံခဲ့ရခြင်းဖြစ်သည်ဟု ၎င်းက ပြောသည်။

“ဖြစ်စဉ်ကတော့ အဲလိုပါပဲ။ အသေးစိတ်ကတော့ ကျွန်တော်တို့ နောက်မှ ထုတ်ပြန်မှာပါ”ဟု CGF – HTY မှ တာဝန်ရှိသူက ​ပြောသည်။

အထက်ပါ ပေါက်ကွဲမှုဖြစ်စဥ်အတွင်း ဖမ်းဆီးခံရသော ရဲဘော်နှစ်ဦးနှင့် ဆက်စပ်ပြီး လှိုင်သာယာ (၁၄)ရပ်ကွက်ရှိ CGF – HTY အဖွဲ့ ခိုလှုံရာအိမ်တစ်လုံး ထပ်မံဝင်အစီးခံရသည့်အပြင် တပ်ခွဲခေါင်းဆောင်အချို့ပါ ဖမ်းဆီးခံခဲ့ရကြောင်း ၎င်းက ဆက်ပြောသည်။

ခိုလှိုအိမ်များကို ဝင်ရောက်စီးနင်းခံရသည့်နောက် လှိုင်သာယာမြို့ ကျန်စစ်သားလမ်းမကြီး မူကြိုလမ်းဆုံတွင် အရပ်ဘက်သုံးယာဥ်နှစ်စီးဖြင့် စစ်ကောင်စီတပ်များက CGF – HTY တပ်ဖွဲ့ဝင်နှစ်ဦးစီးနင်းလာသည့်ဆိုင်ကယ်ကို ကားဖြင့်တိုက်ပြီး ထပ်မံ ဖမ်းဆီးသွားခဲ့သည်။

“ရဲဘော် နှစ်ယောက်ကို ကားနဲ့ တိုက်ဖမ်းတယ်ဗျ။ အဲထဲက တစ်ယောက်က စိုးရိမ်ရတဲ့ အနေထားမှာရှိပါတယ်” ဟု CGF – HTYမှ တာဝန်ရှိသူက ပြောသည်။

စစ်ကောင်စီတပ်၏ ဖမ်းဆီးခံရမှုများ၊ အသက် ​အသက်ဘေးနှင့်ကြုံရမှုများရှိခဲ့သော်လည်းCGF – HTY ၏ ရဲဘော်အချို့နှင့် ဦးဆောင်သူမှာ ကံကောင်းထောက်မစွာ လွတ်မြောက်ခဲ့ကြောင်း ၎င်းတို့က အသိပေးထားသည်။

ထို့အပြင် ထိခိုက်ဆုံးရှုံးမှုနှင့် ပေးဆပ်ရမှုများ မည်သို့ပင်ရှိပါစေ CGF HTY အနေဖြင့် အမြန်ဆုံးပြန်လည်နိုးထပြီး စစ်အာဏာရှင်အား ဆက်လက်တိုက်ခိုက်သွားမည်ဟု ၎င်းတို့ကအသိပေး ကြေညာသည်။

အလားတူ CGF – HTY ၏မဟာမိတ်အဖွဲ့အစည်းတစ်ခုဖြစ်သော Yangon Federal Army – YFA ကလည်း CGF – HTY နှင့်ပူးပေါင်း၍ မဟူရာစစ်ဆင်ရေးအား ဆက်လက်အရှိန်မြှင့်လုပ်ဆောင်သွားမည်ဟု ထုတ်ပြန်ထားသည်။

လှိုင်သာယာ မြို့ပြပြောက်ကျားတပ်ဖွဲ့(CGF – HTY)၏တပ်ဖွဲ့ဝင်များနှင့် တပ်ခွဲခေါင်းဆောင်များသည် ဒီဇင်ဘာ ၁၃ ရက်နှင့် ၁၄ ရက်များတွင် ဖမ်းဆီးခံရခြင်းဖြစ်သည်။

You May Also Like

သတင်း

အထက်ပါအမှုသည် မြစ်ကြီးနားမြို့ ရပ်ကွက်တစ်ခုတွင် ဖေဖော်ဝါရီ၂ရက်က ဖြစ်ပွားခဲ့ပြီးကျူးလွန်သူကို ဖေဖော်ဝါရီ ၇ရက်တွင်မှ ဖမ်းမိခဲ့ခြင်းဖြစ်သည်။

သတင်း

ပညာရေးကဏ္ဍ က ၃၆၅ ဦး ၊ ပါတီနိုင်ငံရေး တက်ကြွလှုပ်ရှားသူ ၉၂ဦး၊ ကျန်းမာရေးကဏ္ဍမှာပါဝင်လုပ်ကိုင်နေသူ ၅၁ဦး နဲ့ကျန်တဲ့ ဦးရေဟာ အနုပညာ ၊ မီဒီယာ ၊ အစိုးရမဟုတ်တဲ့ ကဏ္ဍအသီးသီက သူတွေနဲ့ သာမန်အရပ်သားအမျိုးသမီးတွေဖြစ်ကြပါတယ်။

သတင်း

ဖမ်းဆီးရမိသောဗိုလ်ကြီးအဆင့်ရှိသူအား နိုင်ငံတကာစံချိန်စံညွှန်းနှင့် အညီစစ်ဆေးမေးမြန်းခဲ့ရာ ဗိုလ်ကြီးမြတ်သူ ဖြစ်ကြောင်း YGF က အသိပေးသည်။

သတင်း

"ဓာတ်ပုံလေးရိုက်တာတောင် ကြောက်ချီးပန်းနေမှတော့ စစ်ကောင်စီ တပ်တွေဟာ အရမ်းကို ကြောက်စိတ်တွေဝင်ပြီး လုံး၀တပ်ပျက်နေပါပြီ”ဟု Indaw Revolution က ဖော်ပြသည်။