ကြာအင်းဆိပ်ကြီးမြို့နယ် ပုလိန်ကျေးရွာမှာ ဒီနေ့ညနေ ၃ နာရီက KNLA တပ်မဟာ ၆ နဲ့ စစ်ကောင်စီတပ်တို့ကြား ပစ်ခတ်မှုဖြစ်ပွါးခဲ့ပြီး စစ်ကောင်စီဘက်က ၂ ဦးအပြင်းအထန် ဒဏ်ရာရရှိခဲ့တယ်လို့ သတင်းရရှိပါတယ်။
ဒီကနေ့ ညနေ ၃ နာရီအချိန်က ကေအဲန်ယူထိန်းချုပ်နယ်မြေဖြစ်တဲ့ ဒူးပလာယာခရိုင်၊ ဝင်းရေးမြို့နယ် ပုလိန်ကျေးရွာထဲကို စစ်ကောင်စီတပ်ဖွဲ့တွေ ကားတစ်စီးနဲ့ နယ်မြေကျော်လွန်ရောက်ရှိလာလို့ နှစ်ဖက်ပစ်ခတ်မှု ခဏဖြစ်ပွါးခဲ့တာပါ။
ပစ်ခတ်မှုကြောင့် စစ်ကောင်စီဘက်က ၂ ဦး အပြင်းအထန် ဒဏ်ရာရရှိခဲ့ပြီး လက်ရှိမှတော့ ပုလိန်အနီးက အဘစ်ကျေးရွာမှာ စစ်ကောင်စီတပ်တွေ နေရာယူထားတယ်လို့ သိရပါတယ်။
ကော့ကရိတ်မြို့အနီး အာရှလမ်းမပေါ်မှာ ဒီနေ့ည ၆ နာရီအချိန်ကစပြီး ပစ်ခတ်တိုက်ခိုက်သံတွေ ကြားနေရတယ်လို့ ဒေသခံတွေဆီက သိရပါတယ်
Public Service Announcement
