ညောင်​လေးပင်ခရိုင်ထဲ ကျန်းမာ​ရေး​စောင့်​ရှောက်မှုလို​နေသူ​တွေကို ကုသမှု​ပေး

ကေအဲန်ယူထိန်းချုပ်နယ်မြေဖြစ်တဲ့ ညောင်လေးပင်ခရိုင်ထဲက ဒေသခံပြည်သူ ၂၂၀ ဦးကို ကျန်းမာရေးစောင့်ရှောက်ကူညီမှု ဆောင်ရွက်ပေးနိုင်ခဲ့တယ်လို့ ကရင်လူမှုရေးရာ ( ညောင်လေးပင်ခရိုင်)အဖွဲ့က ပြောပါတယ်။

ဒီဇင်ဘာ ၁၂ ရက်က ညောင်လေးပင်ခရိုင် ကရင်လူမှုရေးရာအဖွဲ့ကဦးဆောင်ပြီး ညောင်လေးပင်ခရိုင် မုန်းမြို့နယ် ဝေဆွဲကျေးရွာထဲမှာ ဒေသခံပြည်သူ (၁၂၃) ဦးကို ကျန်းမာရေးစောင့်ရှောက် ကူညီမှု ဆောင်ရွက်ပေးနိုင်ခဲ့ပါတယ်။

ဒါ့အပြင် ဒီဇင်ဘာ ၁၅ ကနေ ၁၇ ရက်အထိ မုန်းမြို့နယ် တောင်ပေါ်ဒေသမှာရှိတဲ့ ယူလိုကျေးရွာက ဒေသခံပြည်သူ (၉၇) ဦးကို ကျန်းမာရေးစောင့်ရှောက် ကူညီမှုပေးနိုင်ခဲ့တယ်လို့​ပြောပါတယ်။

ညောင်လေးပင်ခရိုင် ကရင်လူမှုရေးရာအဖွဲ့ဟာ ဒေသတွင်းက ကျန်းမာရေး စေတနာ့ဝန်ထမ်းတွေနဲ့ ပူးပေါင်းလုပ်ဆောင်ပြီး စေတနာရှင်တွေရဲ့ ကူညီထောက်ပံ့မှုနဲ့ အခုလို ကျန်းမာရေးစောင့်ရှောက်ကူညီမှု ဆောင်ရွက်ပေးနိုင်ခဲ့တာ ဖြစ်ပါတယ်။

Public Service Announcement