နာမည်ကျော်သရုပ်ဆောင် ပိုင်တံခွန်ကို ဆန္ဒပြရာတွင်ပါဝင်သည်ဟုဆိုကာ စစ်ကောင်စီ၏ လက်ပါးစေ တရားသူကြီးက ယနေ့(ဒီဇင်ဘာ၂၇)တွင် အလုပ်ကြမ်းနှင့် ထောင်ဒဏ်၃နှစ် ချမှတ်လိုက်သည်။
ပိုင်တံခွန်၏ ပုဒ်မ ၅၀၅- က အမှုနှင့်ပတ်သက်ပြီး အင်းစိန်အကျဥ်းထောင် အထူးတရားရုံး၌ ရုံးထုတ်စစ်ဆေးစဥ် ဒဂုံမြို့သစ်မြောက်ပိုင်းတရားသူကြီးက ထိုကဲ့သို့ အမိန့်ချမှတ်လိုက်ခြင်းဖြစ်သည်ဟု ပိုင်တံခွန်၏ ဥပဒေအကြံပေး ဦးခင်မောင်မြင့်က လူထုနွေဦးသို့ အတည်ပြုသည်။
“တကယ်တော့ ဒီနေ့က သူ့ကိုအမိန့်ချရမှာ မဟုတ်သေးဘူး။ အမိန့်ချဖို့ သုံးချိန်းလောက်လိုသေးတယ်။ ဒီနေ့မှာ တရားလိုပြသက်သေက မလာတော့ တရားသူကြီးက ပိုင်တံခွန်ကိုခေါ်တယ်။ ဓာတ်ပုံပြပြီးတော့ ဒီပုံတိုင်းထဲကအတိုင်း ဆန္ဒပြရာမှာပါလားမေးတယ်။ ပိုင်တံခွန်ကပါတယ်လို့ ပြောတော့။ အဲဒါဆို ဆက်စစ်စရာမလိုတော့ဘူးဆိုပြီး အမိန့်ချလိုက်တာ” ဟု ၎င်းက ပြောသည်။
ချုပ်ရက်များနှုတ်ထုတ်ခံစားခွင့်ရရှိပြီး ကျန်းမာရေးလည်း ကောင်းမွန်ကြောင်း ဦးခင်မောင်မြင့်က ပြော သည်။
Public Service Announcement
သရုပ်ဆောင် ပိုင်တံခွန်ကို အာဏာသိမ်းစစ်ကောင်စီအဖွဲ့က ပြီးခဲ့သည့် ဧပြီ ၈ရက်တွင် ဒဂုံမြို့သစ်မြောက်ပိုင်းရှိ နေအိမ်တွင် မတရားဖမ်းဆီးခဲ့ခြင်း ဖြစ်သည်။
