ယမန်နေ့ (ဒီဇင်ဘာလ ၂၀ ရက်နေ့ )နံနက် ၁၁း၃၀ ခန့်က နေပြည်တော်၊ ပျဥ်းမနားမြို့နယ်၊ ပြည်ထောင်ကိုးကျေးရွာအုပ်စု၊ လက်ဖက်တောင်ကျေးရွာ၊ ဒေသအခေါ် နတ်ကြီးစင်တောင်အနီးတွင် ပြည်သူ့ကာကွယ်ရေးတပ်မတော်(နေပြည်တော်)၏ တပ်ရင်း(၈၀၂)၊ တပ်ခွဲ (၅) မှ ကြိုတင်သတင်းအရ အဖွဲ့နှစ်ဖွဲ့ခွဲ၍ ကင်းပုန်းဝပ်စောင့်ဆိုင်းနေစဥ် ဆိပ်ဖူးတောင်ဘက်မှလာသော စစ်ကောင်စီစစ်ကားနှစ်စီးကို ကြိုတင်တပ်ဆင်ထားသော မိုင်း ၅ လုံးဖြင့် အောင်မြင်စွာ ဖောက်ခွဲတိုက်ခိုက်နိုင်ခဲ့ကြောင်း ထုတ်ပြန်ချက်တွင် ဖော်ပြသည်။
ထိုဖြစ်စဥ်တွင် အကြမ်းဖက်စစ်ကောင်စီ၏ တပ်ဖွဲ့ဝင် ၁၂ ယောက်ပါသော စစ်ကားတစ်စီး ချောက်ထဲသို့ကျကာ စစ်ကောင်စီစစ်သား ၁၂ ယောက်လုံးသေဆုံးပြီး အခြားကားမှ ၅ ဦးထက်မနည်း ပြင်းထန်ဒဏ်ရာများ ရရှိသွားကြောင်း၊ ပြည်သူ့ကာကွယ်ရေးတပ်ဖွဲ့ဝင်များ အထိအခိုက်အကျအဆုံးမရှိဘဲ အောင်မြင်စွာ ပြန်လည်ဆုတ်ခွာနိုင်ခဲ့ကြောင်း ပြည်သူ့ကာကွယ်ရေတပ်မတော်(နေပြည်တော်) က အသိပေးထားသည်။