အာဏာသိမ်းစစ်ကောင်စီတပ်ကို ဒီဇင်ဘာ ၁၉ ရက်ည က
သထုံမြို့နယ်တွင် ကရင်အမျိုးသားအစည်းအရုံး(KNU)၏ ကရင်အမျိုးသားလွတ်မြောက်ရေးတပ်မတော်(KNLA)က ကြားဖြတ်ဆိုက်ခိုက်ရာ ၂ ဦးသေဆုံးပြီး ၃ဦးဒဏ်ရာရရှိခဲ့ကြောင်းKNU ကထုတ်ပြန်သည်။
ဒီဇင်ဘာလ ၁၉ရက်၊ ည ၇နာရီ ၅၀ မိနစ်ခန့်တွင် အကြမ်းဖက်စစ်ကောင်စီတပ်၏ ပိန္နဲ တာ စခန်းမှ ဝင်းတာပန် BGFစခန်းသို့ စစ်ကြောင်း ချီတက်လာသော ခြေမြန်တပ်ရင်း -၄၁၀ (ခမရ-၄၁၀) တပ်ဖွဲ့ကိုသထုံမြို့နယ်၊ မင်းလွင်ကျေးနယ်အုပ်စု၊ (ကလယ်ခိုးနော်)တွင် KNLA တပ်ဖွဲ့မှ ကြားဖြတ်တိုက်ခိုက်ခဲ့ခြင်းဖြစ်ပြီး စစ်ကောင်စီ ဖက်မှ ၂ဦးသေ ၃ဦးဒဏ်ရာရခဲ့ကာ KNLAဖက်မှ ထိခိုက်မှုမရှိကြောင်းထုတ်ပြန်ချက်တွင်ပါရှိသည်။
ဒီဇင်ဘာလ (၁၇)ရက်နေ့က ကေအဲန်ယူ-ဘီးလင်းမြို့နယ်အတွင်းရှိကြသောင်းဆိပ်-BGFစခန်းအား KNLA တပ်မဟာ(၁)နှင့် PDF ပူးပေါင်းတပ်ဖွဲ့မှ တိုက်ခိုက်သိမ်းယူနိုင်ခဲ့သည်။ထို့ နောက်ပိုင်းတွင် စစ်ကောင်စီတပ်နှင့် ၎င်းတို့၏လက်အောက်ခံ BGF တပ်ဖွဲ့များမှ ဘီးလင်းမြို့နယ် အတွင်းရှိ ဝင်းတာပန် BGFစခန်း၊ လေးကေ BGFစခန်းများသို့ စစ်အင်အားတိုးမြှင့်ကာ တပ်လှုပ်ရှားမှုများပြုလုပ်နေသည်ဟု KNU ကယနေ့ညတွင်ထုတ်ပြန်သည်။
စစ်ကောင်စီ၏ စစ်အင်အား တိုးမြှင့်စေလွှတ်ခြင်းများကြောင့် ဒေသခံပြည်သူလူထုမှာ စစ်ပွဲများဆက်လက်ဖြစ်ပွားမည်ကို စိုးရိမ်နေကြပြီး ဒေသခံအချို့မှာလည်း နေအိမ်များကို စွန့်ခွာကာ ဘေးလွတ်ရာဒေသများသို့ တိမ်းရှောင်နေကြ သည်။
Public Service Announcement
