တနသ်ာရီတိုင်း ထားဝယ်မြို့နယ် အရှေ့တော့ဒေသတွင် စစ်ကောင်စီတပ်မှ ကားတစ်စီးအား မိုင်းခွဲ တိုက်ခိုက်ခဲ့ကြောင်း Dawei Tiger Force(DTF)က ယနေ့(ဒီဇင်ဘာ ၂၃)ထုတ်ပြန်သည်။
အရှေ့တောဒေသ ရေဝိုင်း-ပကာရီလမ်းပိုင်းတစ်နေရာတွင် စစ်ကောင်စီတပ်ဖွဲ့စီးနင်းလာသော Vigo အမျိုးအစား ယာဥ်တစ်စီးအား ယမန်နေ့(ဒီဇင်ဘာ ၂၂) ည ၉ နာရီတွင် မိုင်းဆွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“မိုင်းဆွဲတိုက်ခိုက်မှုကြောင့် စစ်ကောင်စီတပ်ဖွဲ့စီးနင်းလာသော Vigo နောက်ပိုင်း ထိခိုက်ပျက်ဆီးသွားပြီး အရှိန်ပြင်းစွားမောင်းပြေးသွားသဖြင့် စစ်ခွေးများ၏ထိခိုက် သေဆုံးမှုကိုမသိရှိရပါ”ဟု DTF က ဆိုသည်။
ထို့အပြင် တိုက်ခိုက်ရေးလုပ်ဆောင်မှုသည် DTF နှင့် မဟာမိတ်ပူပေါင်းတပ်ဖွဲ့များနှင့်သာသက်ဆိုင်ပြီး ရပ်ရွာနေပြည်သူများနှင့် လုံး၀မသက်ဆိုင်ကြောင်း အသိပေးထားသည်။
Public Service Announcement
“ခွေးတွေ(စစ်ကောင်စီတပ်)က ရပ်ရွာပြည်သူကို ဒုက္ခပေးလို့ ခုလိုအသိပေးထားတာပါ။ ဥပမာပေးရရင် ကုလားမနိုင်ရခိုင်မဲတယ်ဆိုရိုးစကားတိုင်း ကျွန်တော်တို့လုပ်တာ သူတို့ကပြည်သူကို မဲပြီးပြန်ရန်မူကြလို့”ဟု DTF မှ ဗိုလ်ကျားက ပြည်သူနှင့်မသက်ဆိုင်ဆိုသည့်အပေါ် မှတ်ချက်ပေးသည်။
လက်ရှိအခြေအနေတွင် စစ်ကောင်စီတပ်၏ စစ်ရေးလှုပ်ရှားမှုနှင့် ဒေသတွင်း စစ်အင်အားတို့ချဲ့လာမှုတို့ကြောင့် ထားဝယ်ဒေသကာကွယ်ရေးတပ်များနှင့် စစ်ရေးတင်းမာလာသည့်အခြေအနေတွင်ရှိနေကြောင်း ၎င်းက ဆက်ပြောသည်။
စစ်ကောင်စီဘက်မှ ဒေသခံများအပေါ် ပစ်မှတ်ထား အကြမ်းဖက်လုပ်ဆောင်နေမှုကြောင့် တံခွန်တိုင် ပြင်ရွာအနီးဝန်းကျင်ကျေးရွာများရှိ ပြည်သူများမှာ ဘေးလွတ်ရာသို့ တိမ်းရှောင်နေကြရကြောင်း စုံစမ်းသိရသည်။
