ထားဝယ်မြို့ လမ်းဆုံကြီးတွင် ချိတ်ထားသော “သွေးကြွေးဆပ်ရမယ်”စာတမ်းလာဖြုတ်သည့် စစ်ကောင်စီတပ်သားများ မိုင်းမိ၊ ထိခိုက်မှုရှိဟုဆို

ထားဝယ်မြို့လယ် လမ်းဆုံကြီးတွင် ချိတ်ဆွဲထားသည့် “သွေးကြွေးဆပ်ရမယ်”စာတမ်း လာဖြုတ်သည့် အကြမ်းဖက်စစ်ကောင်စီတပ်သားများ မိုင်းပေါက်ကွဲပြီး ဒဏ်ရာရရှိသွားသည်ဟု ထားဝယ်မြို့ခံများက ပြောသည်။

ယနေ့(ဒီဇင်ဘာ၂၆) နေလယ် ၁၁ နာရီခန့်က ထားဝယ်မြို့လယ်တွင်ဖြစ်သည့် ပေါက်ကွဲမှုတွင် အကြမ်းဖက် စစ်ကောင်စီတပ်သားများ ထိခိုက်၊သေဆုံးမှု အတိအကျမသိသော်လည်း ထိခိုက်မူများရှိသည်ဟု ဒေသခံများက ပြောသည်။

“ညီမအရှေ့မှာ ပေါက်ကွဲသွားတာ။ အသံအကျယ်ကြီးပဲ။ သေတော့ မသေကြဘူး၊ ဒဏ်ရာရတာတော့ရှိတယ် ”ဟု ထားဝယ်မြို့ခံအမျိုးသမီးတစ်ဦးက ပြောသည်။

ထိုပေါက်ကွဲမှုအပြီးတွင် အကြမ်းဖက်စစ်ကောင်စီတပ်သားများက လမ်းဆုံကြီးအနီးအနားတွင် အင်အား အများအပြားဖြင့် လမ်းသွား၊လမ်းလာများကို စစ်ဆေးနေသည်ဟု ဒေသခံများက ဆိုသည်။

Public Service Announcement