စုစုပေါင်း ထောင်ဒဏ် ၁၃နှစ်အထိ ချမှတ်ခံထားရ
သရုပ်ဆောင်ရဲတိုက်ကို မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၆(ဂ)/၂၃ဖြင့် အာဏာသိမ်းစစ်ကောင်စီ၏ အနောက်ပိုင်းခရိုင်တရားရုံးက အမြင့်ဆုံးပြစ်ဒဏ်အဖြစ် အလုပ်ကြမ်းနှင့်ထောင်ဒဏ် ၁၀နှစ်ချမှတ်လိုက်သည်။
“ အနောက်ပိုင်းခရိုင်တရားရုံးက ဒီနေ့ အမိန့်ချတာအလုပ်ကြမ်းနဲ့ထောင်ဒဏ် ဆယ်နှစ်။အယူခံဝင်သွားမယ်။ “ ဟု ဆာတိုရီထုတ်လုပ်ရေးမှ တာဝန်ရှိသူတစ်ဦးက ပြောသည်။
သရုပ်ဆောင်ရဲတိုက်သည် ကျန်းမာရေးအခြေအနေကောင်းမွန်သော်လည်း ယနေ့ ရုံးချိန်း၌ စိတ်လှုပ်ရှားနေသောကြောင့် သုံးခါအန်ခဲ့ကြောင်း ၎င်းက ဆိုသည်။
Public Service Announcement
ရဲတိုက်ကို ပြီးခဲ့သည့် ၂၀၂၁ ဧပြီ ၃ ရက်တွင် သမိုင်းလမ်းဆုံ၌ စစ်ကောင်စီတပ်ဖွဲ့ဝင်များက ဖမ်းဆီးခဲ့ခြင်းဖြစ်ပြီး စိတ်ကြွမူးယစ်ဆေးပြား လက်ဝယ်တွေ့ရှိသည်ဟုဆိုကာ မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာ ဥပဒေပုဒ်မ ၁၆(ဂ) ဖြင့် မရမ်းကုန်းမြို့နယ်၌ တရားစွဲဆိုခဲ့သည်။
ထို့နောက်ပြီးခဲ့သည့် ဒီဇင်ဘာအတွင်းက ပြစ်မှုဟောင်းကို ထပ်မံကျူးလွန်သည်ဟုဆိုကာ ပုဒ်မ ၂၃ ဖြင့် အနောက်ပိုင်းခရိုင်တရားရုံး၌ စစ်ဆေးကာ အမိန့်ချခဲ့ခြင်းဖြစ်သည်။
ရဲတိုက်သည် နွေဦးတော်လှန်ရေး၌ ပြည်သူနှင့်အတူပါဝင်ခဲ့သောကြောင့် ပုဒ်မ ၅၀၅ (က) ဖြင့် မတရား တရားစွဲဆိုခံခဲ့ရပြီး ပြီးခဲ့သည့်နှစ် ဒီဇင်ဘာအတွင်း၌ အလုပ်ကြမ်းနှင့် ထောင်ဒဏ် ၃နှစ်ချမှတ်ခံခဲ့ရခြင်း ဖြစ်သည်။
