Connect with us

Hi, what are you looking for?

LuduNwayOo

News

စစ်တပ်၏ ထပ်တလဲလဲရက်စက်ယုတ်မာမှုများကို တားဆီးရေး ပိုမိုတိုးမြှင့်လုပ်ဆောင်ရန် နိုင်ငံတကာကို ကန်နိုင်ငံခြားရေးဝန်ကြီးတိုက်တွန်း

တချိန်တည်းတွင် မြန်မာနိုင်ငံ ငြိမ်းချမ်းပြီးဒီမိုကရေစီလမ်းကြောင်းပေါ် ပြန်လည်ရောက်ရရှိရေးအတွက် စစ်တပ်ကို ဆက်လက်ဖိအားပေးသွားမည်ဟု ဝန်ကြီးဘလင်ကန်က ထပ်လောင်း ပြောကြားသည်။

▪️မြန်မာစစ်တပ်တာဝန်ခံမှုရှိစေရေး မိတ်ဖက်နှင့် မဟာမိတ်နိုင်ငံများနှင့်အတူ ဆက် လက်လုပ်ဆောင်မည်ဟု ဆို

မြန်မာနိုင်ငံ၌ ထပ်တလဲလဲဖြစ်ပေါ်နေသော စစ်တပ်၏ ရက်စက်ယုတ်မာမှုများကို တားဆီးနိုင် ရေး နိုင်ငံတကာအသိုင်းအဝန်းက ယခုထက်ပိုမိုတိုးမြှင့်လုပ်ဆောင်ရမည်ဟု အမေရိကန်နိုင်ငံ ခြားရေးဝန်ကြီး အန်တိုနီယိုဘလင်ကန်က တိုက်တွန်းလိုက်သည်။

ကယားပြည်နယ်၌ အမျိုးသမီး၊ ကလေးငယ်များနှင့် နိုင်ငံတကာအကူအညီပေးရေးအဖွဲ့ Save the Children ရုံးဝန်ထမ်းနှစ်ဦးအပါအဝင် အနည်းဆုံး အပြစ်မဲ့ပြည်သူ ၃၅ ဦး ကို မြန်မာစစ်တပ်က သတ်ဖြတ်တိုက်ခိုက်ခဲ့မှုအပေါ် အမေရိကန်ပြည်ထောင်စုက ပြစ်တင်ရှုတ်ချကြောင်း နိုင်ငံ ခြားရေးဘလင်ကန်က ဒီဇင်ဘာ ၂၈ ရက်တွင် ထုတ်ပြန်ခဲ့သည်။

“အပြစ်မဲ့ပြည်သူတွေနဲ့ လူသားချင်းစာနာမှုလုပ်ဆောင်နေသူတွေကို ပစ်မှတ်ထားတာက လက်ခံနိုင်ဖွယ်မရှိပါဘူး။ နောက်ပြီး မြန်မာပြည်သူတွေအပေါ် စစ်တပ်ရဲ့ ကျယ်ပြန့်လာတဲ့ရက်စက်ယုတ်မာမှုတွေက တာဝန်ရှိတဲ့တပ်ဖွဲ့ဝင်တွေ တာဝန်ခံမှုရှိဖို့ အရေးကြီးနေပြီဆိုတာကို မီးမောင်းထိုးပြနေပါတယ်” ဟု အမေရိကန်နိုင်ငံခြားရေးဝန်ကြီးက ပြောသည်။

Public Service Announcement

Public Service Announcement

နိုင်ငံတကာအသိုင်းအဝိုင်းအနေဖြင့် မြန်မာစစ်တပ်ကို စစ်လက်နက်များနှင့် နည်းပညာ ရောင်းချမှု ရပ်တန့်ခြင်းအပါအဝင် မြန်မာနိုင်ငံတွင် ထပ်တလဲလဲဖြစ်နေသော ရက်စက်ယုတ်မာမှုများကို တားဆီးရေးနှင့် လက်နက်ပိတ်ပင်ရေးရည်မှန်းချက်တိုးမြှင့်လုပ်ဆောင်ရေး ပိုမိုလုပ်ဆောင်ရ မည်ဟု ဝန်ကြီးဘလင်ကန်က တိုက်တွန်းသည်။

ဖေဖော်ဝါရီ ၁ ရက် စစ်အာဏာသိမ်းချိန်ကစ၍ အမေရိကန်သည် မြန်မာစစ်တပ်ခေါင်းဆောင် များနှင့် ၎င်းတို့၏ ဘဏ္ဍာရေးဆိုင်ရာအကျိုးစီးပွားများကို ပစ်မှတ်ထား ဒဏ်ခတ်ပိတ်ဆို့အရေးယူခဲ့သည်။

ထို့အပြင် အမေရိကန်သည် မြန်မာနိုင်ငံဆိုင်ရာ ကုလသမဂ္ဂလွတ်လပ်သောစုံစမ်းစစ်ဆေးရေးယန္တရားကို ထောက်ပံ့အားပေးခြင်းအပါအဝင် မြန်မာစစ်တပ်တာဝန်ခံမှုရှိစေရေး တိုးမြှင့်ရန် မိတ် ဖက်နှင့် မဟာမိတ်နိုင်ငံများနှင့် ဆက်လက်လုပ်ဆောင်သွားမည်ဟု နိုင်ငံခြားရေးဝန်ကြီးက ထုတ်ပြန်သည်။

တချိန်တည်းတွင် မြန်မာနိုင်ငံ ငြိမ်းချမ်းပြီးဒီမိုကရေစီလမ်းကြောင်းပေါ် ပြန်လည်ရောက်ရရှိရေးအတွက် စစ်တပ်ကို ဆက်လက်ဖိအားပေးသွားမည်ဟု ဝန်ကြီးဘလင်ကန်က ထပ်လောင်း ပြောကြားသည်။

ဆက်စပ်သတင်းများ

နိုင်ငံတကာ

လွန်ခဲ့တဲ့ ၇ လတုန်းကလည်း USS Carl Vinson ဦးဆောင်တဲ့ နောက်ထပ် အမေရိကန် CSG တစ်ခုဟာ မြောက်ကိုရီးယားကို ခြိမ်းခြောက် အင်အားပြဖို့အတွက် တောင်ကိုရီးယားမှာ ကမ်းကပ်ခဲ့ဖူးပါတယ်။

သတင်း

စာသင်ကျောင်းများ ပစ်မှတ်ထားတိုက်ခိုက်ခြင်းနှင့် ပတ်သက်၍ အမျိုးသားညီညွတ်ရေးအစိုးရ၏ ပညာရေးဝန်ကြီးဌာနက ဇွန်လ ၆ရက် တွင် ကြေညာချက်ထုတ်ပြန်ခဲ့သည်။

နိုင်ငံတကာ

အစ္စရေးဟာ ဂါဇာစစ်ပွဲတလျှောက် အရပ်သားထူထပ်ရာ ဧရိယာတွေမှာ အရင်ကလည်း လေကြောင်းတိုက်ခိုက်မှုတွေ လုပ်ဆောင်ခဲ့ပေမယ့် အမေရိကန်က အခုလိုမျိုး ကြားဝင်ပြီး အကြံပြု တိုက်တွန်းတာမျိုး ဖြစ်လေ့မရှိပါဘူး။

နိုင်ငံတကာ

အနောက်နိုင်ငံတွေရဲ့ တိုက်လေယာဉ်မှူးဟောင်းတွေဟာ တရုတ်ကို ကူညီနေမိမှန်း မသိဘဲ သိမ်းသွင်းခံရတာမျိုးလည်း ရှိတယ်လို့ Five Eyesက ဆိုပါတယ်။