▪️မြန်မာပြည်သူများကို အားပေးထောက်ခံမည်ဟု ကောင်စီအဖွဲ့ဝင်များ ထပ်လောင်းအတည်ပြု
ကုလသမဂ္ဂလုံခြုံရေးကောင်စီသည် ကယားပြည်နယ်၌ ကလေးငယ် ၄ ဦးနှင့် Save the Children ဝန်ထမ်း ၂ ဦးအပါအဝင် အနည်းဆုံး ပြည်သူ ၃၅ ဦး သတ်ဖြတ်ခံရခြင်းကို ရှုတ်ချ ပြစ်တင်လိုက်ပြီး အဆိုပါလုပ်ရပ်အတွက် တာဝန်ခံမှုရှိရန်လိုအပ်ကြောင်း အလေးထားပြောကြားသည်။
အကြမ်းဖက်စစ်တပ်က ဒီဇင်ဘာ ၂၄ ရက်တွင် ကယား ပြည်နယ်၌ အပြစ်မဲ့ပြည်သူများကို အစုလိုက် အပြုံ လိုက်သတ်ဖြတ်မှုနှင့်ပတ်သက်၍ ကုလသမဂ္ဂလုံခြုံရေးကောင်စီက ယနေ့(ဒီဇင်ဘာ ၂၉)တွင် သတင်းထုတ်ပြန်ခဲ့ခြင်းဖြစ်သည်။
ကုလသမဂ္ဂလုံခြုံရေးကောင်စီအဖွဲ့ဝင်များသည် အကြမ်းဖက်မှုအားလုံး ချက်ချင်းရပ်တန့်ရန် တောင်းဆိုခဲ့ပြီး လူ့အခွင့်အရေးကို လေးစားမှုရှိရန် အရေးကြီးကြောင်းနှင့် အရပ်သားများ၏ လုံခြုံရေးကို အာမခံမှုရှိရန်တို့ကို အလေးပေးပြောကြားသည်။
Public Service Announcement
ထို့အပြင် ပြည်သူများလိုအပ်သော လူသားချင်းစာနာမှုရပိုင်ခွင့်များကို အတားအဆီးမရှိဘဲ လုံခြုံစွာ ပေးအပ်ရန်၊ ကျန်းမာရေးဝန်ထမ်းများကို အပြည့်အ၀အကာ အကွယ်ပေးရေး၊ ဘေးကင်းရေးနှင့် လူသားချင်းစာနာမှုလုံခြုံရေး စသည်တို့ပေးအပ်ရန် ကောင်စီအဖွဲ့ဝင်နိုင်ငံများက တောင်းဆို သည်။
ကုလသမဂ္ဂလုံခြုံရေးကောင်စီအဖွဲ့ဝင်များသည် မြန်မာပြည်သူများအတွက် ၎င်းတို့၏ အားပေး ထောက်ခံမှုနှင့် နိုင်ငံ၏ ဒီမိုကရေစီအသွင်ကူးပြောင်းရေးကို ထပ်လောင်းအတည်ပြုခဲ့ပြီး အချုပ် အခြာအာဏာ၊ နိုင်ငံရေးလွတ်လပ်ခွင့်၊ ပိုက်နက်နယ်မြေခိုင်မြဲရေးနှင့် ညီညွတ်မှုတို့အတွက် ၎င်းတို့၏ ခိုင်မာသော ကတိ ကဝတ်ကို ထပ်လောင်းပြောကြားခဲ့သည်။
နော်ဝေအစိုးရကလည်း ကယားပြည်နယ်၌ မြန်မာစစ်တပ်၏ တိုက်ခိုက်အကြမ်းဖက်ယုတ်မာ မှုအပေါ် ပြစ်တင်ရှုတ်ချကြောင်း သီးခြားသတင်းထုတ်ပြန်သည်။
