မကွေးဝန်ကြီးချုပ်ကို စစ်ကောင်စီက ထောင် ၁၈နှစ် ထပ်မံ ချမှတ်

မကွေးတိုင်းဝန်ကြီးချုပ် ဒေါက်တာအောင်မိုးညိုကို အာဏာသိမ်းစစ်ကောင်စီက ထောင်ဒဏ် ၁၈နှစ်ထပ်မံ ချမှတ်လိုက်ကြောင်း ဝန်ကြီးချုပ်နှင့်နီးစပ်သူ မကွေးဒေသခံတစ်ဦးက ပြေသည်။

ဒေါက်တာအောင်မိုးညိုကို ပုဒ်မ ၅၀၅- ခနှင့် ထောင်ဒဏ်များချမှတ်ခဲ့ပြီးနောက် ယနေ့တွင် မတရားစွဲဆိုထားသည့် အဂတိမှု ​ခြောက်မှုကို တစ်မှုလျင် ထောင်ဒဏ် သုံးနှစ်စီဖြင့် စုစုပေါင်း ၁၈နှစ်ချမှတ်လိုက်ခြင်းဖြစ်သည်ဟု ဆိုသည်။

“အခုမနက်ပိုင်းမှာ အမိန့်ချလိုက်တာ။ နောက်ထပ်လည်း မဲမသမာမူ နဲ့ သဘာ၀ဘေးစီမံ နှစ်မှုကျန်သေးတယ်“ဟု ဒေသခံက ပြောသည်။

စစ်ကောင်စီက မကွေးတိုင်းအတွင်းရှိ ဝန်ကြီးချုပ်နှင့် ဝန်ကြီးများကို အကြောင်းရှာပြီး အဂတိမှုများဖြင့် တရားစွဲဆိုထားကြောင်း ၎င်းက ဆိုသည်။

Public Service Announcement

“ ပွင့်ပွင့်လင်းလင်းပြောရရင် ကျွန်တော်တို့ ဝန်ကြီးချုပ်က သူရတဲ့ နိုင်ငံတော် ထောက်ပံ့ငွေသိန်း ၃၀ ရတာကို လစဉ် လစဉ်မရှိဆင်းရဲနွမ်းပါးတဲ့ ကျောင်းသားတွေ ၊ မရှိဆင်းရဲတဲ့သူတွေကို ထောက်ပံ့နေတာ။ ဟိုလူ့ပေး ဒီလူ့ပေးပဲ” ဟု မကွေးဒေသခံက ပြောသည်။ ဝန်ကြီးချုပ် ဒေါက်တာအောင်မိုးညို အဂတိလိုက်စားမှု ရှိ၊မရှိ ကို ဝန်ကြီးချုပ်၏ ပိုင်ဆိုင်မှုကို လိုက်စုံစမ်းနိုင်ကြောင်း ၎င်း က ဆိုသည်။

နိုင်ငံတော်သမ္မတ၊ နိုင်ငံတော်အတိုင်ပင်ခံအပါအဝင် အစိုးရခေါင်းဆောင်များ၊ တိုင်းနှင့် ပြည်နယ် ဝန်ကြီးချုပ်များ၊ နိုင်ငံရေးတက်ကြွလှုပ်ရှားသူများ၊ ဒီချုပ်အမတ်များနှင့် ပါတီဝင်များ၊ အပြစ်မဲ့ပြည်သူများကို စစ်ကောင်စီက ဖမ်းဆီးပြီး ပုဒ်မအမျိုးမျိုးတပ်၍ တရားစွဲ ဆို ပြစ်ဒဏ်ချမှတ်နေခြင်းဖြစ်သည်။