ရွှေဘို-မန္တလေးလမ်းပိုင်းတွင် စစ်ကောင်စီတပ်သားများ စီးနင်းလားသည့် Express ကားတစ်စီးအား မိုင်းခွဲတိုက်ခိုက်ခဲ့ကြောင့် ဝက်လက်မြို့နယ် မြင်းဖြူရှင်ပြောက်ကျားတပ်ဖွဲ့က ယနေ့ (ဇန်နဝါရီ ၁)ထုတ်ပြန် သည်။
ယနေ့နံနက် ၃ နာရီခန့်တွင် စစ်ကိုင်းဘက်သို့လာသော စစ်ကောင်စီတပ်သားများစီးနင်းလားသည့် Express ကားတစ်စီးကို ရွာသာကြီးနှင့် ဆားတောင်ကြားတွင် မိုင်းခုနစ်လုံးဖြင့် ဖောက်ခွဲတိုက်ခိုက်ခဲ့ခြင်းဖြစ်သည်ဟု ထုတ်ပြန်ချက်တွင် ဖော်ပြသည်။
“အဖွဲ့သားများအားလုံး အခက်အခဲ များစွာဖြတ်သန်း၍ အောင်မြင်စွာ ဆုတ်ခွာနိုင်ခဲ့ပါသည်”ဟု မြင်းဖြူရှင်အဖွဲ့က အသိပေးသည်။
ထို့အပြင် စစ်ကောင်စီတပ်သားများ စီးနင်းလာသည့် Express ကား၏ အမည်ကိုလည်း ဖော်ပြထားခြင်း မရှိပေ။
Public Service Announcement
အထက်ပါတိုက်ခိုက်မှုကို မြင်းဖြူရှင် ပြောက်ကျားတပ်ဖွဲ့၊ ဝက်လက်မြို့နယ် ဒေသဆိုင်ရာ ကာကွယ်ရေးတပ် /ဂဠုန်ညီနောင် ပြောက်ကျားစသည့်မဟာမိတ်တပ်ဖွဲ့များမှ ပူးပေါင်းတိုက်ခိုက်ခဲ့ခြင်းဖြစ်သည်။
ပြီးခဲ့သည့် ဒီဇင်ဘာ ၃၀ ရက်ကလည်း ရွှေဘို-မန္တလေးလမ်း ရွာသာကြီးအနီးတွင် စစ်ကောင်စီကားတစ်စီး မိုင်းခွဲတိုက်ခိုက်ခံခဲ့ရသည်။
