အကြမ်းဖက်စစ်ကောင်စီအား တိုက်ခိုက်ရေးနှင့်စစ်အာဏာရှင် တော်လှန်ရေးကို အရှိန်ဟုန်မြင့်ရေးအတွက်
ယောဒေသကာကွယ်ရေးတပ်ဖွဲ့ YDF(ထီးလင်း)နှင့် မကွေးတိုင်း ပြည်သူ့ကာကွယ်ရေးတပ် PDF(မကွေး)တို့ မဟာမိတ်အဖြစ် ပူးပေါင်းလိုက်ကြသည်။
YDF(ထီးလင်း)နှင့် မကွေးတိုင်း ပြည်သူ့ကာကွယ်ရေးတပ် PDF(မကွေး)တို့ မဟာမိတ်အဖြစ် ပူးပေါင်းလိုက်သည့်သတင်းကို ယောဒေသကာကွယ်ရေးတပ်ဖွဲ့ YDFက ယမန်နေ့(ဇန်နဝါရီ ၁ရက်)က ထုတ်ပြန်ခြင်းဖြစ်သည်။
“အကြမ်းဖက်စစ်ကောင်စီအမြစ်ပြတ်သည်အထိ မဟာမိတ်တပ်ဖွဲ့ များနှင့်အတူ လက်တွဲတော်လှန်သွားမည်”ဟုYDFက ထုတ်ပြန်ထားသည်။
စစ်ကိုင်းတိုင်းနှင့် နယ်စပ်ဖြစ်သော ယောဒေသသည် စစ်ကောင်စီတပ်များအား တိုက်ခိုက်ရေးတွင် နာမည်ကြီးပြီး စစ်တပ် အထိနာနေသည့်ဒေသဖြစ်သည်။ ယခုအခါ ပြည်မဘက်နှင့် ပိုနီးသည့် မကွေးဒေသမှ ပြည်သူ့ကာကွယ်ရေးတပ်များနှင့် မဟာမိတ်ဖွဲ့လိုက်ပြီဖြစ်၍ စစ်ကောင်စီတပ်များအား အမြတ်ဖြတ်တိုက်ခိုက်ရေးအတွက် ပိုအားကောင်းလာပြီဟု ပြည်သူ့ကာကွယ်ရေးတပ်များက ပြောသည်။