အမျိုးသားဒီမိုကရေစီအဖွဲ့ချုပ်(NLD)ပါတီ၏ တနသ်ာရီတိုင်းတွဲဖက်အတွင်းရေးမှူး ဦးအေးနိုင်သည် စစ်ကောင်စီ ၏ရန်မှ တိမ်းရှောင်နေစဥ် ရုတ်တရက်ကွယ်လွန်သွားကြောင်း မိသားစုဝင်နှင့် လုပ်ဖော်ကိုင်ဖက်များက အတည်ပြုသည်။
(၆၅)နှစ်ရှိပြီဖြစ်သည့် ဦးအေးနိုင်သည် ယမန်နေ့ (ဇန်နဝါရီ ၂)ည ၁၁ နာရီခွဲခန့်တွင် ရုတ်တရက်သွေးတိုးရာမှ ကွယ်လွန်သွားခြင်းဖြစ်သည်။
“ပင်နီကိုမြတ်နိုးတဲ့ ဖေဖေ လောကဓံကိုလည်း အပြုံးမပျက်ခဲ့တဲ့ ဖေဖေကောင်းရာဘုံဘဝကို ရောက်မှာ ယုံကြည်ပါတယ်။ လာကန်တော့ခွင့်မရတဲ့အပေါ်မှာ ခွင့်လွှတ်ပါ ဖေဖေ။ မပြီးဆုံးသေးတဲ့တော်လှန်ရေးခရီးကို အဆုံးထိလျှောက်ပါ့မယ်”ဟု သမီးဖြစ်သူ ဒေါ်ခင်စန္ဒီက ၎င်း၏ လူမှုကွန်ရက်တွင် ရေးသားထားသည်။
ဦးအေးနိုင်၏ စျာပနအား ၎င်း၏ဇာတိရွာဖြစ်သည့် လောင်းလုံမြို့နယ် ရေဖြူကျေးရွာ၌ ယနေ့ (ဇန်နဝါ်ရီ ၃) သဂြိုဟ်ပေးခဲ့ကြောင်း သိရသည်။
Public Service Announcement
စစ်ကောင်စီအန္တရာယ်မှ တိမ်းရှောင်နေရသည့် ဦးအေးနိုင်သည် ဒီချုပ်ပါတီ၏ တနင်္သာရီတိုင်းတွဲဖက် အတွင်းရေးမှူး၊ စည်းကမ်းထိန်းသိမ်းရေးကော်မတီဥက္ကဋ္ဌ၊ ၂၀၂၀ ရွေးကောက်ပွဲတွင် တိုင်အောင်နိုင်ရေးအဖွဲ့ခေါင်းဆောင်တာဝန်များကို ထမ်းဆောင်ခဲ့သူဖြစ်သည်။
