ဝက်လက်ကကျေးရွာတွေမှာ ညပိုင်းအချိန် စစ်ကောင်စီ ဒရုန်းသုံးပြီး ကင်းလှည့်

စစ်ကောင်စီတပ်တွေ အထိနာနေတဲ့ ဝက်လက်မြို့နယ် က ကျေးရွာတွေမှာ ဒရုန်းနဲ့ ညပိုင်း ကင်းလှည့်တာတွေကို စစ်ကောင်စီကလုပ်နေတယ်လို့သိရပါတယ်။

ဇန်နဝါရီလ ၃ ရက်နဲ့ ၄ ရက်နေ့တွေမှာ ကျေးရွာတွေအပေါ် ဒရုန်းဟာ အချိန်အတော်ကြာ လှည့်လည် ပျံဝဲနေခဲ့တယ်လို့ ဒေသခံတွေက ပြောပါတယ်။

ဒီလိုဒရုန်းနဲ့ကင်းလှည့်တာတွေ မရှိခင် ပြီးခဲ့တဲ့ရက်ပိုင်းတွေကတော့ စစ်ကောင်စီ တပ်တွေ နဲ့ ဒေသခံပြည်သူ့ကာကွယ်ရေးတပ်တွေ တိုက်ပွဲဖြစ်ရာမှာ စစ်ကောင်စီတပ်တွေအထိနာခဲ့တာပါ။

တိုက်ခိုက်ရေးရဟတ်ယာဉ်နဲ့ လာရောက်ပစ်ကူပေးတဲ့အတွက် ပိတ်မိနေတဲ့ စစ်ကောင်စီတပ်တွေ လွတ်မြောက်သွားတာလို့ ဝက်လက်မြို့နယ် ပြည်သူ့ကာကွယ်ရေးတပ်က သတင်းထုတ်ပြန်ထားတာရှိပါတယ်။

Public Service Announcement

ဒီလို လေကြောင်းကတိုက်ခိုက်မှုကြောင့် ကျေးရွာတွေက ဒေသခံပြည်သူတွေဟာ ဘေးလွတ်ရာကိုတိမ်းရှောင်နေရတယ်လို့သိရပါတယ်။