ကုလသမဂ္ဂလုံခြုံရေးကောင်စီသည် စစ်အုပ်စု၏ ရက်စက်ကြမ်းကြုတ်သော ရာဇဝတ်မှုများအတွက် နိုင်ငံတကာရာဇဝတ်ခုံရုံး(ICC)သို့ လွှဲပြောင်းရေး ဆုံးဖြတ်ချက်ချမှတ်ရန် အမျိုးသားညီညွတ် ရေးအစိုးရ NUG လူ့အခွင့်အရေးဆိုင်ရာဝန်ကြီးဌာနက တောင်းဆိုလိုက်သည်။
ကုလလုံခြုံရေးကောင်စီသည် ကျူးလွန်သူများကို အပြစ်ပေးနိုင်ရေးအတွက် တိုက်တွန်းထားသည့်အလျောက် မြန်မာ့အရေးဆွေးနွေးရန်အတွက် မျက်နှာ စုံညီအစည်းအဝေးကို ချက်ချင်း ခေါ်ယူရမည်ဖြစ်ပြီး စစ်ကောင်စီထံ လက်နက်နှင့်ငွေကြေးစီးဆင်းမှုကို ပိတ်ဆို့ရေး NUG လူ့အခွင့်အရေးဆိုင်ရာဝန်ကြီးဌာနက ယနေ့ (ဇန်နဝါရီ ၅ ရက်)ထုတ်ပြန်သည်။
“လုံခြုံရေးကောင်စီသည် စစ်အုပ်စုကို ၎င်းတို့၏ ကျူးလွန်မှုများနှင့် လျော်ညီစွာ အကြမ်းဖက်အဖွဲ့အစည်းတရပ်အဖြစ် စာရင်းသွင်းကြေညာနိုင်ရေးကိုလည်း ချက်ချင်းဆောင်ရွက်ရမည်ဖြစ်သည်”ဟု ထုတ်ပြန်ချက်၌ ဖော်ပြသည်။
NUG လူ့အခွင့်အရေးဆိုင်ရာဝန်ကြီးဌာနသည် စစ်အုပ်စုက ကရင်နီပြည်နယ် ဖရူဆိုမြို့နယ်၌ ခရစ္စမတ်အကြိုနေ့(ဒီဇင်ဘာ ၂၄ ရက်)တွင် အစုလိုက်အပြုံလိုက်သတ်ဖြတ်မှုကျူးလွန်ခဲ့သည့်အပေါ် ပြင်းထန်စွာ ရှုတ်ချထားပြီး စစ်အုပ်စု၏ အကြမ်းဖက်လုပ်ရပ်များသည် မြန်မာနိုင်ငံတဝန်းတွင် မဟာဗျူဟာတစ်ရပ်အဖြစ် ကျယ်ပြန့်ကာ စနစ်တကျကျူးလွန်နေသည့်လုပ်ရပ် များဖြစ်ကြောင်း ထုတ်ပြန်သည်။
Public Service Announcement
ထို့အတွက် မင်းအောင်လှိုင်နှင့် စစ်ကောင်စီ၏ အခြားသောထိပ်ပိုင်းခေါင်းဆောင်များသည် ထို ရာဇဝတ်မှုများအတွက် တိုက်ရိုက်တာဝန်ရှိပြီးမဖြစ်မနေတရားစီရင်အရေးယူခံရမည်ဖြစ် ကြောင်း NUG က ဆိုသည်။
