အကြမ်းဖက်စစ်ကောင်စီ၏ ထုတ်ကုန်ပစ္စည်းများအား တင်သွင်း ရောင်းဝယ်ခွင့် ပိတ်ပင်ကြောင်း ဆောမြို့နယ် ပြည်သူ့အုပ်ချုပ်ရေးအဖွဲ့က ယနေ့(ဇန်နဝါရီ ၅ရက်)တွင် ကြေညာချက် ထုတ်ပြန်လိုက်သည်။
မကွေးတိုင်းဒေသကြီး ဆောမြို့နယ်အတွင်းတွင် နိုင်ငံတော် သစ္စာဖောက်များဖြစ်သည့် အကြမ်းဖက်စစ်ကောင်စီနှင့် ၎င်းတို့၏ လက်ပါးစေများမှ ထုတ်လုပ်သော ကုန်ပစ္စည်းများကို ဇန်နဝါရီ ၁၃ရက်မှစ၍ ထပ်မံ တင်သွင်းရောင်းဝယ်ခြင်းများ လုံး၀မပြုလုပ်ကြရန် ကြေညာခဲ့သည်။
ရောင်းဝယ်သုံးစွဲခြင်းမပြုရမည့် ကုန်ပစ္စည်းများစာရင်းကိုလည်း ပူးတွဲဖော်ပြခဲ့ရာ စစ်ကောင်စီနှင့် ဆက်စပ်သည့် လုပ်ငန်းများမှ ထုတ်လုပ်သည့် အရက်၊ ဘီယာ၊ အချိုရည်များ၊ ဆေးလိပ်များ၊ စားသောက်ကုန်နှင့် လူသုံးကုန်များ ပါရှိသည်။
ကြေညာချက်ပါ သတ်မှတ်ရက်နောက်ပိုင်းတွင် ပိတ်ပင်ထားသည့် ပစ္စည်းများကို ဆက်လက်ရောင်းဝယ်ခြင်းများ တွေ့ရှိရပါက သက်ဆိုင်ရာနယ်မြေအလိုက် ပြည်သူ့ကာကွယ်ရေးတပ်ဖွဲ့များ၊ ပြည်သူ့လုံခြုံရေးအဖွဲ့များနှင့် ပူးပေါင်းကာ ဥပဒေနှင့်အညီ အရေးယူသွားမည်ဟု ထုတ်ပြန်ခဲ့သည်။
Public Service Announcement
