သမ္မတကို ချီတက်အလေးပြုတဲ့ ဗိုလ်ရှုခံသဘင် ကို ပြည်ထောင်စုနေ့မှာ စစ်ကောင်စီ ခေါင်းဆောင်ကျင်းပဖို့စီစဉ်

သမ္မတကို လက်နက်ကိုင်တပ်ပေါင်းစုနဲ့ဌာနဆိုင်ရာဝန်ထမ်းတွေချီတက်အလေးပြုတဲ့ ဗိုလ်ရှုခံသဘင်အခမ်းအနားကို လာမယ့်ပြည်ထောင်စုနေ့မှာ ကျင်းပဖို့ စစ်ကောင်စီခေါင်းဆောင်က စီစဉ်နေပါတယ်။

နေပြည်တော်က ဗိုလ်ရှုခံရင်ပြင်မှာ ကျင်းပမယ်လို့ သိရပါတယ်။

ဗိုလ်ရှုခံသဘင်ကို လွတ်လပ်ရေးရပြီးနောက် သမ္မတစဝ်ရွှေသိုက် ၊ သမ္မတ ဒေါက်တာဘဦး ၊ သမ္မတ မန်းဝင်မောင်တို့လက်ထက်အထိကျင်းပခဲ့တာရှိပါတယ်။

ဒါပေမယ့် စစ်တပ်က အာဏာသိမ်းတဲ့ ၁၉၆၂ ခုနှစ်နောက်ပိုင်း မှာ ဗိုလ်ရှုခံသဘင်ကို ကျင်းပတာမရှိပါဘူး။

Public Service Announcement

သမ္မတဦးသိန်းစိန် အစိုးရလက်ထက်နောက်ဆုံးကာလ ရောက်တဲ့အခါ ၂၀၁၅ ခုနှစ် လွတ်လပ်ရေးနေ့ နဲ့အတူ ဗိုလ်ရှုခံသဘင်ကို နှစ်ပေါင်း ၅၀ ကျော်အတွင်း ပထမဆုံးအကြိမ် ကျင်းပခဲ့ပြီး သမ္မတကို စစ်တပ်နဲ့ ဌာဆိုင်ရာဝန်ထမ်းတွေက ချီတက်အလေးပြုခဲ့ကြပါတယ်။

ဒါပေမယ့် အဲဒီအချိန်က နေပြည်တော်မှာ ဗိုလ်ရှုခံစင်မြင့်အတွက် ကုန်ကျစရိတ်အမြောက်အများကျခံကာ တည်ဆောက်တဲ့အပြင် တင်ဒါခေါ်ယူတာမရှိဘဲ ဆောက်လုပ်ရေးကုမ္ပဏီကို လက်သိပ်ထိုး အပ်လိုက်တဲ့လုပ်ရပ်တွေကို လွတ်တော်မှာ ကျယ်ကျယ်လောင်လောင်ထောက်ပြဝေဖန်ခဲ့တာတွေရှိခဲ့ပါတယ်။

အဲဒီဗိုလ်ရှုခံစင်မြင့်ကို ကျပ်ဘီလီယံ ၆၀ ကျော်အကုန်အကျခံပြီး တည်ဆောက်ထားခဲ့တာဖြစ်ပါတယ်။