လွိုင်ကော် – ရှားတောလမ်းပိုင်း သွားလာခွင့်ပိတ်ပင်ကြောင်း KNDF သတိ​ပေး

အကြမ်းဖက်စစ်ကောင်စီ၏ ထိုးစစ်ကြောင့် လွိုင်ကော် – ရှားတော လမ်းပိုင်းအားသွားလာခွင့်ပိတ်ပင်ကြောင်း ကရင်နီအမျိုးသားကာကွယ်​ရေးတပ်(KNDF)လွိုင်ကော်ဇုန်က အရေးပေါ်သတိပေးချက်ထုတ်ပြန်သည်။

ယနေ့(ဇန်နဝါရီ ၇ ရက်)မှ ဇန်နဝါရီ ၁၃ရက်အထိ လွိုင်ကော်မှ ရှားတောမြို့သို့ သွားလာသည့် လမ်းတစ် လျှောက်တွင် ဒန်ဘာ၊မှန်အလုံပိတ်ကားများ၊အိမ်စီးကားများနှင့် အခြားယာဥ်များဖြင့် သွားလာခြင်းပိတ်ထားမည်ဖြစ်သည်။

စစ်ရေးနှင့် နယ်မြေအခြေအနေပေါ်မူတည်၍လည်း လိုအပ်သလို ရက်ထပ်မံတိုးမြှင့်ပိတ်ပင်ထားမည်ဟု KNDF လွိုင်ကော်ဇုန်က ဆိုသည်။

ပြီးခဲ့သည့် ဒီဇင်ဘာ ၂၈ရက်ကစ၍ အကြမ်းဖက်စစ်ကောင်စီသည် လွိုင်ကော်မှ ရှားတောသို့ စစ်အင်အားအလုံးအရင်းဖြင့် ထိုးစစ်ဆင်ခဲ့သည်။

Public Service Announcement

ထို့ကြောင့် ကရင်နီတပ်မတော် KA နှင့် KNDFတို့နှင့် တိုက်ပွဲများဖြစ်ကာ စစ်​ကောင်စီတပ်မှ အကျအဆုံးများ​ပြီး ဒုတပ်ရင်းမှူး ကျော်သူစိုးအပါအဝင် ၁၆ဦးသေဆုံးကြောင်း ကရင်နီတပ်မတော် (KA)က ထုတ်ပြန်ထား သည်။

အကြမ်းဖက်စစ်ကောင်စီသည် ၎င်းတို့ စစ်ကြောင်းထိုးရာ လမ်းတစ်လျှာက်တွင် လက်နက်ကြီး၊လက်နက်ငယ်များဖြင့် ရမ်းသမ်းပစတ်ခတ်ခြင်း၊ဘူဒိုဇာ၊ ဘတ်ဟိုးယာဥ်များဖြင့် ရှင်းလင်းခြင်း၊ ဒေသခံနေအိမ်များကို ဖောက်ထွင်းခြင်းနှင့် မီးရှို့ဖျက်ဆီးမှုများလည်း လုပ် ဆောင်နေသည်ဟု KNDF က အသိပေးသည်။