မြိုင်-မန္တလေးလမ်းတွင် စစ်ကောင်စီတပ်မှယာဥ်တစ်စီးကို နှစ်ကြိမ်ဆက် မိုင်းခွဲတိုက်ခိုက်ခဲ့ကြောင်း မြိုင် PDF က ယနေ့(ဇန်နဝါရီ ၇) ထုတ်ပြန်သည်။
အဆိုပါတိုက်ခိုက်မှုကို ယနေ့နံနက် ၁၁ နာရီခန့် မြိုင်-မန္တလေးလမ်း တောရွာအနီးတွင် စစ်ကောင်စီတပ်ယာဥ်အား ပထမအကြိမ်မိုင်းခွဲ တိုက်ခိုက်ခဲ့ကြောင်း ထုတ်ပြန်ချက်တွင် ဖော်ပြ သည်။
ထို့နောက် အဆိုပါစစ်ကားမှာ ဆက်လက်ထွက်ခွာရာ လင်းကတောရွာအရှေ့ဘက်အရောက်တွင် ဒုတိယအကြိမ် ထပ်မံ၍ မိုင်းခိုင်းတိုက်ခိုက်ခဲ့သည်ဟု မြိုင် PDF က ဆိုသည်။
မိုင်းခွဲတိုက်ခိုက်ခံရမှုကြောင့် စစ်ကောင်စီတပ်ယာဥ်မှာ ပျက်စီးသွားပြီး ကားပေါ်ပါရှိသည့် စစ်ကောင်စီတပ်သားများက ရမ်းသမ်းပစ်ခတ်မှုအချို့လည်း ရှိခဲ့ကြောင်း ထုတ်ပြန်ချက်တွင် ဖော်ပြသည်။
Public Service Announcement
တိုက်ခိုက်ခံရမှုအတွင်း စစ်ကောင်စီဘက်မှ ထိခိုက်ဒဏ်ရာရမှုများရှိသော်လည်း အတိအကျ မသိရသေးဟု မြိုင် PDF က ပြောသည်။
ထို့အပြင် မြိုင် PDF အနေဖြင့် ယနေ့တိုက်ခိုက်မှုအပါအဝင် ‘လင်းယုန်’စစ်ဆင်ရေးစတင်ပြီ ဖြစ်ကြောင်း အသိပေးထားသည်။
