ယနေ့ (ဇန်နဝါရီ ၈ ရက်) နံနက် ၁ နာရီ ဝန်းကျင်က ရေစကြိုမြို့၊ မအိုတိုက် (ဘက) ဘုန်းကြီးကျောင်းဝင်းအတွင်းရှိသော Mytel ပင်မ တိုင်နှင့်ရုံးတွင် လုံခြုံရေးယူထားသည့်
အကြမ်းဖက်စစ်ကောင်စီတပ်ဖွဲ့အား ဝင်ရောက်ပစ်ခတ်တိုက်ခိုက်ခဲ့ရာ ဆယ်မိနစ်ကြာ အပြန်အလှန်ပစ်ခတ်မှု့ ဖြစ်ပွားခဲ့ပြီး စစ်သားတစ်ဦး သေဆုံးကာ အကြမ်းဖက်စစ်ကောင်စီတပ်သားအချို့ထိခိုက်ဒဏ်ရာရရှိကြောင်း ပြည်သူကာကွယ်ရေးတပ်ဖွဲ့ ရေစကြိုက သတင်းထုတ်ပြန်သည်။
ထိုအပြင် ဇန်နဝါရီ ( ၇ ) ရက်နေ့ နံနက် (၁၀ ) နာရီ ဝန်းကျင်ကလည်း ရေစကြို ၂၅၈ တပ်ရင်းထဲမှထွက်လာသော စစ်သားအပြည့်လိုက်ပါလာသည့်ကားတစ်စီးအား ၂၅၈ တပ်ရင်းတောင်ဘက်တွင် မိုင်းဆွဲတိုက်ခိုက်ခဲ့ပြီး ထိခိုက်မှုများရှိခဲ့သည်။အဆိုပါစစ်ဆင်ရေးများတွင် ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိကြောင်း ရေစကြိုPDFက အသိပေးသည်။
