စစ်ကောင်စီတပ်မှ ဗိုလ်ကြီးတစ်ဦး လက်နက်နှင့်အတူလာရောက်ပူးပေါင်းဟု CDF-KKG ထုတ်ပြန်

စစ်ဗျူဟာအခြေချအဖွဲ့ မတူပီ – စစ်ရေးအရာရှိ တတိယတန်း စစ်ထောက်တာဝန် တာဝန်ထမ်းဆောင်နေသည့် (လက်ရှိတွင် မုံရွာ၌ ကြားစခန်းမှူးအဖြစ် တာဝန်ထမ်းဆောင်နေသူ ) ဗိုလ်ကြီး ကောင်းသူဝင်း (ကြမ်း ၅၅၇၂၅၊ DSA – ၅၂)သည် အာဏာသိမ်းစစ်ကောင်စီ၏ လက်အောက်တွင် တာဝန်ထမ်းဆောင်လိုခြင်း မရှိတော့သည့်အတွက် သေနတ်ကျည်အပြည့်အစုံဖြင့် ပြီးခဲ့သည့် ဒီဇင်ဘာ ၂၃ရက်က CDF – KKGထံသို့ အလင်းဝင်ရောက်ခဲ့သည်ဟု ဖော်ပြသည်။

အာဏာသိမ်းစစ်ကောင်စီ၏ ပြည်သူလူထုတစ်ရပ်လုံးအပေါ် အကြမ်းဖက်လုပ်ရပ်များ၊ မတရားမှုများကို စက်ဆုပ်ရွံရှာပြီး CDM ပြုလုပ်လာသည့် ဗိုလ်ကြီးကောင်းသူဝင်းနှင့် မိသားစုကို လုံခြုံစိတ်ချမှုအပြည့်ရှိသည့် နေရာဒေသသို့ ပို့ဆောင်ပေးပြီးဖြစ်သကဲ့သို့ ထိုက်သင့်သော ဆုကြေးငွေကိုလည်း ပေးအပ်ပြီးဖြစ်ကြောင်း ထုတ်ပြန်ခဲ့သည်။