အင်းကျွန်းရွာကိုမီးရှို့​သောစစ်​ကောင်စီတပ်နှင့်ပျူ​စောထီးများကို က​လေး(PDF)ကတိုက်ခိုက်ရာစစ်သားနှင့်ပျူ ၅ဦး​​သေ

ကလေးမြို့နယ်၊ အင်းကျွန်းရွာကို မီးရှို့ခဲ့သည့် အကြမ်းဖက်စစ်ကောင်စီတပ်နှင့်ပျူစောထီးများကို သွားရောက် ပစ်ခတ်တိုက်ခိုက်ပြီးတိုက်ပွဲဖြစ်ပွားရာအကြမ်းဖက်စစ်ကောင်စီနှင့်ပျူစောထီး ၅ ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့ -PDF(ကလေး) က ယနေ့သတင်းထုတ်ပြန်သည်။

တိုက်ပွဲမှာပြင်းထန်ပြီး နံနက် ၇ နာရီမှာ နေလယ် ၁၁နာရီအထိ​လေးနာရီထိ့ကြာမြင့်ကာစစ်​ကောင်စီတပ်နှင့်ပျူ​စောထီး ၅ဦး​သေဆုံးပြီး ၊PDF(က​လေး)ဘက်မှနှစ်ဦးလက်နက်ကြီးထိ့မှန်ဒဏ်ရာရရှိခဲ့သည်ဟုထုတ်ပြန်ချက်တွင်​ဖော်ပြထားသည်။

ကလေးမြို့နယ်၊ကျောက်ပြုတ်ရွာတွင် တပ်စွဲထားသည့် ပျူစောထီးနှင့်အကြမ်းဖက်စစ်ကောင်စီတပ်သား ၆၀ခန့်က ယနေ့ (ဇန်နဝါရီ ၁၂)မနက်ပိုင်းတွင် အင်းကျွန်းရွာကို ဝင်ရောက်ကာ မီးရှို့ဖျက်ဆီးခဲ့သည်။ထိုနောက် ရေရှင်ရွာကို ဆက်လက်ထွက်ခွာလာရာ PDF(ကလေး) ကဝင်ရောက်တိုက်ခိုက်ခဲ့ခြင်းဖြစ်သည်။

ထိုတိုက်ပွဲအတွင်း ဟံသာဝတီရွာဘက် အကြမ်းဖက်စစ်ကောင်စီတပ်များက လက်နက်ကြီးပစ်ကူပေးခဲ့ပြီး နေ့လယ် ၁ နာရီခန့်တွင်စစ်ကောင်စီတပ်များသည် ကျောက်ပြုတ်ရွာသို့ပြန်လည်ဆုတ်ခွာသွားသည်။

Public Service Announcement

အကြမ်းဖက်စစ်ကောင်စီတပ်များသည် အင်အား ၂၀၀ခန့်ဖြင့် ဖလမ်းမြို့၊ ဝေဘူလမြို့ကို ဇန်နဝါရီ ၆ရက်တွင်စတင် စစ်ကြောင်းထိုးတက်လာ၍ ဒေသခံကာကွယ်ရေးတပ်လေးခုဖြစ်သည့် PDF(ကလေး)၊ရိမ်းဂျားကလေးမြို့ပြည်သူကာကွယ်ရေးတပ်( RKDF)၊ CNDF နှင့် Zomi PDFတို့က ကြားဖြတ်တိုက်ခိုက်ခဲ့သည်။ ထိုတိုက်ပွဲတွင် အကြမ်းဖက်စစ်ကောင်စီတပ်သား ၄ဦးသေဆုံးခဲ့သည်။

ဇန်နဝါရီ ၇ ရက်တွင် စစ်​ကောင်စီတပ်သည်ဝေဘူလမြို့သို့​ရောက်ရှိပြီး ​ဝေဘူလမြို့မှ ဖလမ်းမြို့သို့ ဆက်လက်စစ်ကြောင်းထိုးလာရာ CNDFက လမ်းတလျှောက် ခုခံတိုက်ခိုက်​နေ​သည်။

ဇန်နာဝါရီ ၁၁ ညနေ ၂နာရီခန့်တွင် အကြမ်းဖက်စစ်ကောင်စီတပ်များ တပ်စွဲထားသော နေရာကို CNDFက သွားရောက်တိုက်ခိုက်ရာတွင် အကြမ်းဖက်စစ်ကောင်စီတပ်ဖက်မှ အနည်းဆုံး ၁၅ဦးသေဆုံးခဲ့ပြီး ဒဏ်ရာရရှိသူအများ၊အပြားရှိခဲ့ကြောင်း CNDFက ထုတ်ပြန်ထားသည်။