မတရားဥပဒေပုဒ်မဖြင့် ထောင်ဒဏ်သုံးနှစ်ချမှတ်ခံထားရသော နာမည်ကျော်သရုပ်ဆောင်ပိုင်တံခွန်၏ အမှုကို မိသားစုဝင်များ၏ ဆန္ဒအရအယူခံဝင်တော့မည်မဟုတ်ကြောင်း ယင်းအမှုတွင်လိုက်ပါဆောင်ရွက်နေသည့် ဥပဒေအကြံပေးဖြစ်သူ ဦးခင်မောင်မြင့်က ပြောသည်။
“သူ့မိသားစုက အယူခံမဝင်လိုကြောင်း ဆန္ဒပြုလာတဲ့အတွက် မိသားစုများရဲ့ ဆန္ဒအတိုင်း အယူခံမဝင်တော့ဘဲ နောင်အခါလေ့လာဖို့ မှတ်တမ်းအဖြစ်ပဲထားလိုက်တော့မယ့်အကြောင်း အသိပေးပါတယ်ခင်ဗျာ” ဟု ၎င်းက လူမှုကွန်ရက်မှတစ်ဆင့် ပိုင်တံခွန်၏ ပရိတ်သက်များအား အသိပေး ရေးသားထားသည်။
ပိုင်တံခွန်ကို အာဏာသိမ်းစစ်ကောင်စီက ပုဒ်မ ၅၀၅-က ဖြင့် မတရားပုဒ်မတပ်ကာ ဖမ်းဆီးခဲ့ပြီး ၂၀၂၁ ဒီဇင်ဘာ ၂၇ရက်တွင် ဒဂုံမြို့သစ်မြောက်ပိုင်းမြို့နယ်တရားသူကြီးက အလုပ်ကြမ်းနှင့်ထောင်ဒဏ်သုံးနှစ်ကျခံရန် အမိန့်ချမှတ်ခဲ့ခြင်းဖြစ်သည်။
အမိန့်ချရာတွင်လည်း တရားရုံးလုပ်ထုံးလုပ်နည်းများကို ဆန့်ကျင်၍ အနိုင့်အထက်ဝန်ခံရာ ရောက်စေသည့် မေးခွန်းများမေးခဲ့သည်ဟု ဦးခင်မောင်မြင့်က ရေးသားထားသည်။
Public Service Announcement
ပြစ်ဒဏ်ချမှတ်ပြီးနောက်တစ်ရက်တွင် ပိုင်တံခွန်က TC Candlerက ကမ္ဘာ့အချောဆုံးအမျိုးသားအဖြစ် ကမ္ဘာကျော်မင်းသားများကိုကျော်ဖြတ်၍ ဆုရွေးချယ်ပေးခဲ့သည်။ နိုင်ငံရေးကြောင့် အကျဥ်းကျခံနေရသည့် ပိုင်တံခွန် အမြန်ဆုံးလွတ်မြောက်ရန် ဆုတောင်းပေးခဲ့သည်။
