စစ်ကိုင်းတိုင်း တမူးမြို့တွင် အကြမ်းဖက်စစ်ကောင်စီတပ်ကို မိုင်းဆွဲတိုက်ခိုက်ရာ လေးဦးသေပြီး နှစ်ဦး ဒဏ်ရာရရှိသည်ဟု တမူး ပြည်သူ့ကာကွယ်ရေးတပ်ဖွဲက ထုတ်ပြန်သည်။
ယနေ့(ဇန်နဝါရီ ၁၆ ရက် )နံနက် ၈နာရီခန့်က တမူးမြို့ နန်းဖာလုံရပ်ကွက် ၊ကံကြီးဝတံတားအနီး၌ တမူးမြို့ရှိ ပြည်သူ့ကာကွယ်ရေး တပ်ဖွဲ့သုံးဖွဲ့ပူးပေါင်းတိုက်ခိုက်ခဲ့ခြင်းဖြစ်သည်။
ယနေ့ဖြစ်စဥ်တွင် ပြည်သူ့တပ်ဖွဲ့မှ ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ပြီး နောက်နောင်တွင်လည်း ပူးတွဲ တိုက်ပွဲဖော်ဆောင်သွားမည်ဟု အသိပေးထားသည်။
ထို့အပြင် ပြည်သူ့ကာကွယ်ရေးတပ်ဖွဲ့ဝင် အင်အားများပြားလာသည့်အတွက် တပ်ရင်းတစ်ခုကို တိုးချဲ့ဖွဲ့စည်းခဲ့ကြောင်းလည်း တမူးမြို့နယ်ပြည်သူ့ကာကွယ် ရေးတပ်ဖွဲ့က ယနေ့ထုတ်ပြန်ထားသည်။
Public Service Announcement
ထို့ကြောင့် တမူးမြို့နယ် ပြည်သူ့ကာကွယ်ရေးတပ်ဖွဲ့၌ ထပ်တိုးတပ်ရင်းနှင့်အတူ တပ်ရင်း လေးခုအထိ ရှိလာသည်။
