မကွေးတိုင်း မြိုင်မြို့နယ် လက်ယက်မစံပြကျေးရွာတွင် အကြမ်းဖက်စစ်ကောင်စီတပ်က ဝင်ရောက်ဖျက်ဆီးသွားပြီး မီးရှို့ထားသည့်ရုပ်အလောင်း သုံးလောင်းအား တွေ့ရှိရကြောင်း ဒေသခံများက ပြောသည်။
မြိုင်မြို့ နယ်၊လက်ယက်မစံပြကျေးရွာကိုဇန်နဝါရီ ၁၁ ရက်တွင် အကြမ်းဖက်စစ်ကောင်စီတပ်များဝင်ရောက်စီးနင်းတပ်စွဲခဲ့၍ ဒေသခံများထွက်ပြေးတိမ်းရှောင်ခဲ့ရသည်။
အကြမ်းဖက်စစ်ကောင်စီတပ်သည် လူနေအိမ်အချို့အား ဝင်ရောက် ဖျက်ဆီးခဲ့ပြီး တန်ဖိုးကြီး ပစ္စည်းများအား သိမ်းယူခြင်း၊ ဘုန်းကြီးကျောင်းများ၌ တိမ်းရှောင်နေသော ပြည်သူများအား ဖမ်းဆီး နှိပ်စက် ခြင်းများ ပြုလုပ်ခဲ့သည်။ထို့အပြင် မီးရှို့ထားသော ရုပ်အလောင်း ၃ လောင်းအားတွေ့ရှိရပြီးမည်သူမည်ဝါဖြစ်ကြောင်း စုံစမ်းနေဆဲဖြစ်သည်ဟု ဒေသခံများကပြောသည်။
အကြမ်းဖက်စစ်တပ်သည် ဇန်နဝါရီ၁၄ ရက်က ထွက်ခွာသွားခဲ့ပြီး ရွာအတွင်း လက်နက်ကြီးများဖြင့် ပစ်ခက်ထားခြင်းများလည်း တွေ့ရှိရကြောင်းဒေသခံများက ပြောသည်။
Public Service Announcement
အကြမ်းဖက်စစ်ကောင်စီတပ်သားများသည် ဇန်နဝါရီလ ၉ရက်နေ့မှ စတင်ကာ မြိုင်မြို့နယ်နေရာအနှံ့အပြားအား အင်အားအများအပြားသုံး၍ ကျေးရွာများအား ဝင်ရောက်ကာ ရှာဖွေဖမ်းဆီးခြင်း၊ လုယူခြင်း၊ မီးရှို့ဖျက်ဆီးခြင်း၊ လက်နက်ကြီးဖြင့်ပစ်ခတ်ခြင်းများပြုလုပ်နေသည်။
(ဓါတ်ပုံ-လက်ယက်မကျေးရွာအတွင်း စစ်ကောင်စီတပ်ဝင်ရောက်ဖျက်ဆီးပြီးနောက် မြင်တွေ့ရစဥ်) 
(ဓါတ်ပုံ-လက်ယက်မကျေးရွာအတွင်း စစ်ကောင်စီတပ်ဝင်ရောက်ဖျက်ဆီးပြီးနောက် မြင်တွေ့ရစဥ်) 
(ဓါတ်ပုံ-လက်ယက်မကျေးရွာအတွင်း စစ်ကောင်စီတပ်ဝင်ရောက်ဖျက်ဆီးပြီးနောက် မြင်တွေ့ရစဥ်)
ဇန်နဝါရီ ၁၁ ရက် နံနက်ပိုင်းက လက်ယက်မကျေးရွာနှင့် ကန်နီရွာကြားတွင် စစ်ကောင်စီတပ်နှင့် ဒေသတွင်း PDFအဖွဲ့များတိုက်ပွဲ ဖြစ်ပွားခဲ့ပြီး စစ်ကောင်စီဘက်က ခုနှစ်ဦးခန့် သေဆုံးခဲ့သည်။
ဇန်နဝါရီလ ၁၆ရက် နံနက် ၉ နာရီဝန်းကျင်ကလည်း မြိုင်မြို့နယ်အနောက်ပိုင်းရှိ သဒွတ်ကျေးရွာအား အကြမ်းဖက်စစ်ကောင်စီတပ်များက ဝင်ရောက်မီးရှို့ဖျက်ဆီးခဲ့ရာ နေအိမ် ၂၅လုံး ပျက်စီးဆုံးရှုံးခဲ့သည်။
အကြမ်းဖက်စစ်ကောင်စီ၏ အန္တရာယ်ကြောင့် မြိုင်နယ်အနောက်ပိုင်းနှင့် မြောက်ပိုင်းရှိ ကျေးရွာအများစုမှ ပြည်သူထောင်ကျော်သည် ဘေးလွတ်ရွာ ကျေးရွာများ၊ တောတောင်များတွင်းသို့ ထွက်ပြေးတိမ်းရှောင်နေရကြောင်း ဒေသခံများက ပြောသည်။
