ချင်းပြည်နယ် ဇိုတုန်နယ်အတွင်း စစ်ထိုးလာသည့် အကြမ်းဖက်စစ်ကောင်စီတပ်နှင့် တိုက်ပွဲများ အကြိမ် ကြိမ်ဖြစ်ပွားရာ စစ်ကောင်စီတပ်သား ၁၈ဦးသေဆုံးပြီး အများအပြားဒဏ်ရာရရှိသည်ဟု CDF-ZOTUNG က ယနေ့(ဇန်နဝါရီ ၁၉ ရက်)တွင် ထုတ်ပြန်သည်။
ယခုဇန်နဝါရီ ၈ ရက်ကစ၍ မတူပီမြို့မှ စတင်ထွက်ခွာလာသော အကြမ်းဖက်စစ်ကောင်စီတပ်သည် အင်အား ၁၀၀ခန့်သည် ဇိုတုန်နယ်အတွင်း ဝင်ရောက်လာခဲ့သည်ဟု CDF-ZOTUNG က ဆိုသည်။
ထို့ကြောင့် ဇန်နဝါရီ ၉ ရက်ကစ၍ ဇိုတုန်နယ်အတွင်းရှိ ဟုန်းလေးကျေးရွာ နှင့် ရမ်ဆိုင်း ကျေးရွာ တို့တွင် ခုခံတိုက်ပွဲများဖြစ်ရာ ဇန်နဝါရီ ၁၈ရက်အထိ တိုက်ပွဲ ၁၁ ကြိမ်ဖြစ်ခဲ့သည်။
တိုက်ပွဲများတွင် အကြမ်းဖက်စစ်တပ်မှ သေဆုံးသူ ၁၈ ဦးရှိကာ အများအပြားဒဏ်ရာရရှိသူများလည်း ရှိပြီး CDF-ZOTUNG မှ ကျဆုံးသူတစ်ဦးနှင့်ထိခိုက်ဒဏ်ရာရရှိသူနှစ်ဦးရှိသည်။
Public Service Announcement
“အလုံးအရင်းနဲ့ကို ထိုးလာနေတာ။ဒါကြောင့် ကျွန်တော်တို့လည်း သူတို့ထိုးစစ်ကို မဟာမိတ်တပ်ဖွဲ့တွေနဲ့ စုပေါင်း တိုက်နေတယ်။ရှေ့လာမယ့် ရက်တွေမှာလည်း ဒီထက်ပို တိုက်ပွဲတွေအများအပြါးရှိလာနိုင်တယ်။ကျွန်တော်တို့အနေနဲ့ဘနောက်ဆုတ်မှာ မဟုတ်ဘူး”ဟု CDF ဇိုတုန်၏ ပြန်ကြားရေးတာဝန်ခံက လူထုနွေဦးသို့ ပြောသည်။
အကြမ်းဖက်စစ်ကောင်စီတပ်သည် ဇိုတုန်နယ် အတွင်း လူနေအိမ်များ နှင့် ဆိုင်ကယ်များ ကို ဖျက်ဆီးခဲ့ကြောင်းလည်း ထုတ်ပြန်ချက်တွင် ပါရှိသည်။
ထို့အပြင် ဇိုတုန်နယ်အတွင်းရှိ ပြည်သူ ၃,၀၀၀ ကျော်မှာ ထွက်ပြေးတိမ်ရှောင်နေရပြီး ၄၀၀ ကျော်သော ပြည်သူများမှာ နယ်စပ်သို့ ရောက်ရှိနေရသည်ဟုလည်း အသိပေးသည်။
