ဖလမ်းမြို့နယ်တွင် အကြမ်းဖက်စစ်ကောင်စီနှင့်ဒေသခံကာကွယ်ရေးတပ်ဖွဲ့တို့ကြား ယမန့်နေ့က တိုက်ပွဲပြင်းထန်စွာဖြစ်ပွားခဲ့ပြီး အကြမ်းဖက်စစ်ကောင်စီတပ်မှ ၈ ဦးသေဆုံးခဲ့သည်ဟု ဖလမ်းအခြေစိုက် ချင်းအမျိုးသားအဖွဲ့ချုပ်-CNOက ယနေ့သတင်းထုတ်ပြန်သည်။
အကြမ်းဖက်စစ်ကောင်စီတပ်များနှင့် ဒေသခံကာကွယ်ရေးတပ်ဖွဲ့တစ်ခုဖြစ်သည့် ဖလမ်းအခြေစိုက်CNDFတို့ကြားဖလမ်းမြို့နယ် လာသီးရွာနှင့် ကုလ်ဇာမ်ရွာတောင်ကြောတွင် တိုက်ပွဲပြင်းထန်စွာ ဖြစ်ပွားနေခြင်းဖြစ်သည်။ ယမန်နေ့တိုက်ပွဲအတွင်အကြမ်းဖက်စစ်ကောင်စီတပ်မှ ၈ ဦးသေဆုံးခဲ့သော်လည်း CNDFမှ တစ်ဦးသာဒဏ်ရာ(မစိုးရိမ်ရ) ရရှိခဲ့သည်ဟု ဖော်ပြထားသည်။
အထက်ပါတောင်ကြောတွင် အကြမ်းဖက်စစ်ကောင်စီတပ်များကို CNDF က ယမန့်နေ မနက် ၈နာရီခွဲခန့်တွင်စတင်ခုခံတိုက်ခိုက်ပြီး ထိုတိုက်ပွဲတွင်စစ်ကောင်စီတပ်သား ၄ ဦးနှင့် ညနေပိုင်း ၅နာရီခန့်တွင် CNDFက မိုင်းဆွဲတိုက်ခိုက်ရာတွင် အကြမ်းဖက်စစ်ကောင်စီတပ်သား ၄ ဦး ထပ်မံသေဆုံးခဲ့ကြောင်းCNOကထုတ်ပြန်သည်။
ယနေ့ (ဇန်နဝါရီ ၁၉)မနက် ၉နာရီတွင်လည်း အကြမ်းဖက်စစ်ကောင်စီတပ်များက CNDF၏ တိုက်မိုင်းနင်းမီ၍ သေဆုံးဒဏ်ရာရရှိနိုင်သော်လည်း စာရင်းအတိအကျ မသိရဟု CNOကဆိုသည်။ ထိုမိုင်းနင်းမိပြီးနောက် အကြမ်းဖက်စစ်ကောင်စီတပ်များ ပြန်လည် ဆုတ်ခွာသွားသည်ဟု CNOက ထုတ်ပြန်ထားသည်။
Public Service Announcement
တိုက်ပွဲများ ပြင်းထန်နေခြင်းကြောင့် ဖလမ်း-ကလေး လမ်းတလျောက်ကို ခရီးသွားလာခြင်းမပြုရန် အများပြည်သူကို CNOက မေတ္တာရပ်ခံထားသည်။
ဇန်နဝါရီလ ၁၆ ရက် ဖလမ်းမြို့နယ်၊ ပါရ်သဲ ကျေးရွာ အနီးတွင် တိုက်ပွဲတွင်လည်း အကြမ်းဖက်စစ်ကောင်စီတပ်သား ၁၇ ဦးသေဆုံးခဲ့ပြီး ဇန်နဝါရီ ၁၇ ရက် လာသီးကျေးရွာအနီးတိုက်ပွဲတွင် အကြမ်းဖက်စစ်ကောင်စီ တပ်သား ၈ဦးသေဆုံးခဲ့သည်ဟု CNOက သတင်းထုတ်ပြန်ထားသည်။
အကြမ်းဖက်စစ်ကောင်စီတပ်များသည်ဖလမ်းမြို့ကိုစစ်ကြောင်းထိုးတိုက်ခိုက်နေမူကြောင့် ဇန်နဝါရီ ၆ ရက်မှ စတင်ပြီး ဖလမ်းမြို့နယ်အတွင်းတိုက်ပွဲများပြင်းထန်နေခြင်းဖြစ်သည်။
