ကလေး – တမူး အာရှလမ်းမကြီးပေါ်တွင် ယနေ့(ဇန်နဝါရီ ၂၀)မှစ၍ ညပိုင်း ဖြတ်သန်းသွားလာခြင်းမပြုရန် ပြည်သူ့ကာကွယ်ရေးတပ်-တမူး(PDF Tamu) တပ်ရင်း(၃)က သတိပေးထုတ်ပြန်သည်။
အဆိုပါလမ်းတွင် PDFနှင့် စစ်အာဏာရှင်လက်အောက်ခံ စစ်ကောင်စီတပ်ဖွဲ့ဝင်များအကြား စစ်ရေးလှုပ်ရှားမှုများနှင့် ထိတွေ့တိုက်ပွဲများ အချိန်အခါမရွေး ဖြစ်ပွားလျက်ရှိနေ၍ ပြည်သူများ အသက်အန္တရာယ် လုံခြုံရေးအရ မှားယွင်း ပစ်ခတ်တိုက်ခိုက်မှု မဖြစ်ပွားစေရန် ခရီးသွားလာခြင်းအား ညနေ ၆နာရီမှ နံနက် ၅နာရီအထိ ဖြတ်သန်းသွားလာခြင်း လုံး၀မပြုလုပ်ကြရန် သတိပေးထားသည်။
ထုတ်ပြန်ချက်အား မလိုက်နာဘဲ ဖြတ်သန်းသွားလာခြင်းကြောင့် ဖြစ်ပေါ်လာသည့် အသက် အန္တရာယ်နှင့် ပြဿနာအကျိုးဆက်များကို PDF-Tamu တပ်ရင်း(၃)မှ တာဝန်ယူဖြေရှင်းမည် မဟုတ်ကြောင်းလည်း အသိပေးထားသည်။
ယခု အသိပေးကြေညာချက်သည် နောက်ထပ်ကြေညာချက် တစ်စုံတစ်ရာပြောင်းလဲ ထုတ်ပြန်မှု မရှိမခြင်း အကျိုးဝင်သည်ဟုလည်း ဖော်ပြထားသည်။