မြန်မာဘီယာအပါအဝင် စစ်ကောင်စီနှင့် ပတ်သက်သော ပစ္စည်းများ သယ်ဆောင်ရောင်းချခြင်းမပြုလုပ်ရန် ကချင်လွတ်လပ်ရေးအဖွဲ့(KIO) ပူတာအိုခရိုင် အုပ်ချုပ်ရေးရုံးက ထုတ်ပြန်သည်။
ပူတာအိုခရိုင်အတွင်းနေထိုင်သည့် ပြည်သူများနှင့် မြစ်ကြီးနား-ဆွမ်ပရာဘွမ်- ပူတာအိုလမ်းကို အသုံးပြုသွားလာကြသူများ လိုက်နာရန် အသိပေးကြေညာချက်ကို ယနေ့(ဇန်နဝါရီ ၃၀)တွင် ထုတ်ပြန်ခဲ့ခြင်းဖြစ်သည်။
ယင်းထုတ်ပြန်ချက်တွင် မူးယစ်ဆေးဝါးများ ရောင်းဝယ် ဖောက်ကားခြင်း၊ သယ်ဆောင်ခြင်း၊ သုံးစွဲခြင်း နှင့် စိုက်ပျီုးထုတ်လုပ်ခြင်း လုံး၀(လုံး၀)မပြုလုပ်ရန် တားမြစ်ထားသည်။
စစ်ရှောင်ပြည်သူများနှင့် ဒေသခံပြည်သူများ၏ ခွင့်ပြု ချက်မရှိသော လယ်ယာမြေဥယာဉ်ခြံများတွင် ရွှေတူးဖော်ခြင်း လုံး၀မပြုလုပ်ရန်နှင့် ပူတာအို ပြည်သူ့ကာကွယ်ရေးတပ်ဖွဲ့မှ ထုတ်ပြန်ထားသည့် အတိုင်း မြစ်ကြီးနား – ဆွမ်ပရာဘွမ်- ပူတာအို ကားလမ်းတွင် ညနေ ၅နာရီမှ နံနက် ၆နာရီအထိ ဖြတ်သန်းသွားလာခြင်းမပြုရန် အသိပေးထားသည်။
Public Service Announcement
ထုတ်ပြန်ချက်ပါ အချက်များကို လိုက်နာခြင်းမရှိပါက ဖြစ်ပေါ်လာမည့် ပြဿနာများကို လုံး၀ တာဝန်ယူမည်မဟုတ်ကြောင်းလည်း KIO ပူတာအိုခရိုင်က ကြေညာခဲ့သည်။
