ဖားကန့်တွင် စစ်​ကောင်စီလက်​အောက်ခံရုံးများအနီး ​ပေါက်ကွဲမှုများ ဆက်တိုက်ဖြစ်​ပေါ်

ဖားကန့်မြို့တွင် ယ​မန်​နေ့ညက အ​ထွေထွေအုပ်ချုပ်​ရေးမှူးရုံး၌ ပြင်းထန်သော ပေါက်ကွဲမှုတစ်ခုဖြစ်ခဲ့ပြီး ယနေ့(ဖေဖော်ဝါရီ ၁ရက်) နံနက်တွင်လည်း မြို့ထဲနေရာအချို့၌ ပေါက်ကွဲမှုများ ဆက်တိုက်ဖြစ်နေသည်ဟု ဒေသခံများကပြော သည်။

ဖားကန့်မြို့နယ် ထွေအုပ်ရုံးတွင် ပေါက်ကွဲမှုကြောင့် ကားတစ်စီးပျက်စီးခဲ့ပြီး ယနေ့ နံနက်တွင်လည်း စစ်ကောင်စီလက်အောက်ခံရုံးဌာနများအနီးတွင် ဗုံးပေါက်ကွဲမှုလေးကြိမ်ဖြစ်ခဲ့သည်ဟုဒေသခံများက ပြောသည်။

ယနေ့ နံနက်ပေါက်ကွဲမှုလေးကြိမ်တွင် ထိခိုက်မှုကိုမူ မသိရှိရသေးပေ။

ယနေ့သည် စစ်တပ်က နိုင်ငံတော်အာဏာသိမ်းသည့် တစ်နှစ်ပြည့်မည်ဖြစ်ပြီး မတရားမှုကိုကန့်ကွက်ဆန္ဒဖော်ထုတ်ခြင်း အသံတိတ်သပိတ် (SILENCE STRIKE) ကို ပြည်သူလူထုက နိုင်ငံနှင့်အဝှမ်းပြုလုပ်နေသည်။ ထို့အတူ ပြည်သူ့ကာကွယ်ရေးအဖွဲ့များကလည်း စစ်ကောင်စီကို ယခင်နေ့များထက် ပိုတိုက်ခိုက်​သွားမည်ဟု ပြည်သူလူထုအား ကြိုတင်အသိပေးထားသည်။

Public Service Announcement