မြင်းမူမြို့နယ်ရှိ ဂုံညင်းဆိတ်ရဲစခန်းအား ပြည်သူ့ကာကွယ်​ရေးတပ်များဝင်တိုက်ပြီး ဗုံးခွဲဖျက်ဆီး

▪️စစ်​ကောင်စီတပ်သားများက ပြန်မတိုက်ဘဲ ထွက်​ပြေးဟုဆို

စစ်ကိုင်းတိုင်း မြင်းမူမြို့နယ်ရှိ ဂုံညင်းဆိတ်ရဲစခန်းအား မြင်းမူမြို့နယ်ပြည်သူ့ကာကွယ်ရေးတပ်ဖွဲ့(MMUPDF) ဦးဆောင်၍ မဟာမိတ်တပ်ဖွဲ့များဝင်တိုက်ရာ အကြမ်းဖက်စစ်ကောင်စီတပ်သားများ ထွက်ပြေးသွားသဖြင့် အဆောက်အဦးအား ဗုံးခွဲဖျက်ဆီးခဲ့ကြောင်း MMUPDFက ထုတ်ပြန်သည်။

တိုက်ပွဲ ဖြစ်စဥ်မှာ ယနေ့ နံနက်​စော ၁၂ နာရီ ၅ မိနစ်တွင် ဂုံညင်းဆိတ်ရဲစခန်းကို ဝင်တိုက်ရာ စစ်ကောင်စီတပ်သားများထွက်ပြေးသဖြင့် အပြန်အလှန်ပစ်ခတ်မှု မရှိခဲ့ဘဲ စခန်းရှိ ပစ္စည်းများကို ပြည်သူပိုင်အဖြစ် သိမ်းယူခဲ့သည်ဟု ဆိုသည်။

ယခု စစ်ဆင်ရေးကို Black Eagle Defence Force – MMU၊ မြင်းမူလျပ်စီးပြောက်ကျားတပ်ဖွဲ့၊ Myin Mu Defence Forceနှင့် မြောင်မြို့နယ်ပြည်သူ့ကာကွယ် ရေးနှင့် လုံခြုံရေးအဖွဲ့ – CDSOMစသည့် မဟာမိတ်အဖွဲ့များ ပူးပေါင်းပါဝင်ခဲ့သည်။

Public Service Announcement

ရဲဘော်များ ထိခိုက်ကျဆုံးခြင်းမရှိပဲ အောင်မြင်စွာ ဆုတ်ခွာနိုင်ခဲ့ကြောင်းလည်း အသိပေးသည်။

ဖေဖော်ဝါရီ ၁ရက်ကလည်း မြင်းမူမြို့ရှိ ပျူစခန်း တစ်ခုကို ဝင်စီးခြင်းနှင့် မြို့အဝင်ဂိတ်အား ဖောက်ခွဲဖျက်ဆီးနိုင်ခဲ့ကြောင်း ပြည်သူ့တပ်ဖွဲ့အသီးသီးက ထုတ်ပြန်ထားသည်။