မြောက်ဒဂုံမြို့နယ်နေ အငြိမ်းစားဗိုလ်မှူး တင်မောင်အေး နေအိမ်အတွင်း ယနေ့ညနေတွင်အသတ်ခံရကြောင်း ဒေသခံများကPeople’s Spring သို့ပြောသည်။
ယနေ့ (ဖေဖော်ဝါရီလ ၃ ရက်) ညနေ ၆ နာရီခန့်က ၃၁ ရပ်ကွက်ရှိ အသတ်ခံရသူ ၏နေအိမ် အတွင်းမှ သေနတ်သံသုံးချက်ထက် မနည်း ထွက်ပေါ်ခဲ့သည်ဟုဒေသခံအချို့ကပြောသည်။
“၆ နာရီ ၁၀ မိနစ်လောက်က ဖြစ်တာ။ပင်လုံလမ်း မပေါ်ကနေ သေနတ်သံလိုလို ဘာလိုလိုနဲ့ သဲ့သဲ့ ကြားခဲ့ရတယ်။စစ်တပ်က ကောင်တွေ လာစစ်ဆေးတော့ မှ သတင်းသိရတာ”ဟု ဒေသခံတစ်ဦးက ဆက်ပြောသည်။
အသတ်ခံရသူ တင်မောင်အေးသည် ရှမ်းပြည် နယ်မြောက်ပိုင်း ကွတ်ခိုင် အခြေစိုက် ခလရ (၂၄၁) တပ်တွင် ဗိုလ်မှူးအဆင့်ဖြင့် နောက်ဆုံး တာဝန်ထမ်းဆောင်ခဲ့သူ ဖြစ်ကြောင်း သိရသည်။
၎င်းသည် စစ်တပ်အား သတင်းပေးခြင်း၊ PDF များအား ခြေရာခံကာ ရန်ကုန်တိုင်း စစ်ဌာနချုပ်သို့ သတင်းပေးပို့ခြင်းနှင့် ခရိုင်အုပ်ချုပ်ရေးရုံးများသို့ တိုက်ရိုက် သတင်းပေးနေသည့် အတွက် ရှင်းလင်းခံခံရခြင်းဖြစ်ကြောင်း သိ့ရသည်။
သေဆုံးသွားသည့် စစ်ကောင်စီသတင်း ပေးဗိုလ်မှူးတင်မောင်အေး၏ လူမှုကွန်ယက် အကောင့် “Tinmaung Aye” စာမျက်နှာတွင်လည်း အကြမ်းဖက်စစ်တပ်အား ထောက်ခံအားပေးထားသည့် ပို့စ်များစွာ တင်ထားသည်ကိုတွေ့ရသည်။
၎င်းအသတ်မခံရမီ ၄ နာရီ ဝန်းကျင် အလိုတွင် သူ၏ ဖေစ်ဘွခ် လူမှုကွန်ယက်တွင်နောက်ဆုံးတင်ခဲ့ပို့စ်သည်”နိုဘယ်လ် ဆုပေးအဖွဲ့ကြီး အကြမ်းဖက်အဖွဲ့ကြီး ဖြစ်သွားပြီလား?” ဟူ၍ ဖြစ်သည်။
ယခုည ၈ နာရီခွဲတွင် ၎င်း၏ နောက်ဆုံးပို့စ်ကို Reaction လုပ်ထားသူ ၁၇၀၀ ကျော်ရှိပြီး HaHa လုပ်ထားသူ ၁၅၀၀ ကျော် ၊ Like လုပ်ထားသူ ၂၀၀ ကျော် ၊ ဝမ်းနည်းသူ ၃ ဦး ၊စိတ်ဆိုးဒေါသထွက်နေသော Reaction ပြုလုပ်ထားသူ ၂ ဦး တွေ့ရသည်။