'/%3E%3C/svg%3E){kind=small}
CNDFမှ ရဲဘော်တစ်ဦးလည်း ကျဆုံးခဲ့ရ
ကလေးမြို့တောင်ပိုင်း ရန်ကြီးအောင်ရွာဘက်မှ ကလေးမြို့ဘက်သို့ ဦးတည်မောင်းနှင်လာသည့် စစ်ကောင်စီယာဉ်တန်းကို မိုင်းဆွဲတိုက်ခိုက်မှု လေးကြိမ်ပြုလုပ်ခဲ့ရာ အကြမ်းဖက်စစ်ကောင်စီတပ်သား၁၇ဦးခန့် သေဆုံးပြီးပြည်သူ့ကာကွယ်ရေး ပူးပေါင်းတပ်ဖွဲ့များဘက်မှ ရဲဘော် တစ်ဦးကျဆုံးခဲ့သည်ဟု ကလေးမြို့နယ် ပြည်သူ့ကာကွယ်ရေးတပ်(PDF)က ထုတ်ပြန်သည်။
ကလေးမြို့သို့ ဦးတည်လာသည့် ရှစ်စီးပါ စစ်ကောင်စီယာဉ်တန်းကို ဖေဖော်ဝါရီ ၇ရက် နံနက် ၁၀နာရီခွဲခန့်တွင် အောင်ချမ်းသာရွာနှင့် ချောင်းခွရွာ အကြား၌ မိုင်းဆွဲတိုက်ခိုက်ပြီး လက်နက်ငယ်များဖြင့် ပစ်ခတ်ခဲ့သည်ဟု ဆိုသည်။ အဆိုပါ တိုက်ခိုက်မှုကို ကလေး PDF၊ CNDF၊ CDF(KKG)၊ RKDFနှင့် ပကဖ ပူးပေါင်း တပ်များက တိုက်ခိုက်ခဲ့ခြင်းဖြစ်သည်ဟု ဖော်ပြထားသည်။
တိုက်ပွဲအတွင်း အကြမ်းဖက် စစ်ကောင်စီတပ်မှ ၉ဦးသေဆုံးပြီး ပူးပေါင်းတပ်ဖွဲ့မှ CNDF ရဲဘော် တစ်ဦးကျဆုံးကာ ငါးဦးမှာ လက်နက်ကြီးကျည်ထိမှန်ဒဏ်ရာရခဲ့သည်ဟု ထုတ်ပြန်သည်။
Public Service Announcement
အဆိုပါ စစ်ကောင်စီယာဉ်တန်းကိုပင် ကလေး PDF တပ်များက နတ်မြောင်းရွာနှင့် စည်သာရွာအကြား၌ နှစ်ကြိမ် မိုင်းဆွဲတိုက်ခိုက်ခဲ့ပြီး ညနေပိုင်း၌ စည်သာရွာနှင့် ကြာအင်းရွာ ကား၌တစ်ကြိမ် မိုင်းဖြင့် တိုက်ခိုက်ခဲ့ကြောင်း၊ စစ်ကောင်စီ ကားတစ်စီးပျက်စီးပြီး ရှစ်ဦးခန့်သေဆုံးခဲ့ကြောင်း ဖော်ပြထားသည်။ ယင်းကားကို စည်သာရွာအနီး၌ ပစ်ထားခဲ့သည်ဟု ဆိုသည်။စစ်ကောင်စီတပ် သည် ည ၇နာရီခန့်တွင် ထောက်ကြန့်ရွာသို့ ရောက်ရှိပြီး ရှေ့မဆက်နိုင်ဖြစ်နေကြောင်း ဖော်ပြသည်။
ယမန်နေ့ကလည်း ကလေးနည်းပညာတက္ကသိုလ်မှ ကလေးမြို့ဘက်သို့ ဦးတည်လာသည့် စစ်ယာဉ်တန်းကို ကလေး PDFက တိုက်ခိုက်ခဲ့ရာ ၂၀ဦးသေဆုံးခဲ့သည်ဟု ထုတ်ပြန်ထားသည်။
