ကျိုက်ထိုမြို့နယ် မုပ္ပလင်နှင့် အင်္ဂဘိုကြားတွင် စစ်ကောင်စီယာဉ်တန်းကို ယနေ့ (ဖေဖော်ဝါရီ ၉ရက်) မနက် ၉နာရီခန့်တွင် တိုက်ခိုက်ခဲ့ပြီး စစ် ကောင်စီတပ်မှ အထိအခိုက်ရှိမရှိမသိရသေးကြောင်း ကျိုက်ထိုတော်လှန်ရေး အင်အားစု(KRF)က ထုတ်ပြန်သည်။
စစ်ကောင်စီ လက်ပါးစေများ ၊ သတင်းပေး ဒလန်များနှင့် စစ်ကောင်စီဒေါက်တိုင်များအားဆက်လက်တိုက်ခိုက်ချေမှုန်းသွားမည်ဖြစ်ကြောင်းလည်း ထုတ်ပြန်ချက်၌ ဖော်ပြထားသည်။
KRF အနေဖြင့် ပြည်သူလူထု အပေါ် တစုံတရာ ထိခိုက်နစ်နာပျက်စီးဆုံးရှုံးစေမည့် ဖောက်ခွဲမှု၊ ပစ်ခတ်မှုများအား ပြုလုပ်ခြင်းအလျဉ်းမရှိကြောင်းနှင့် KRF မှ ပစ်မှတ်ထားတ တိုက်က်ခိုက်ခြင်းများအား ပြည်သူထံ အသိပေးသွား မည်ဖြစ်ကြောင်း ထုတ်ပြန်ခဲ့သည်။
KRF အနေဖြင့် စစ်အာဏာရှင် စနစ် ကျဆုံးသည်အထိ ဆက်လက် တိုက်ပွဲဝင်သွားမည်ဖြစ်ပြီး ပြည်သူလူထု၏ အသက်အိုးအိမ် စည်းစိမ်ကို အသက်ပေး ကာကွယ်စောင့်ရှောက်သွားမည်ဖြစ်ကြောင်း ဖော်ပြသည်။
Public Service Announcement
