မန္တလေးသပိတ်စစ်ကြောင်းတွင်ပါဝင်သည့် သံဃာတော်တစ်ပါးကို စစ်ကောင်စီ ဖမ်းဆီး၊ ရိုက်နှက်နှိပ်စက်မှုများကြောင့် အသက်အန္တရာယ် စိုးရိမ်နေရဟုဆို

မန္တလေးမြို့ သပိတ်စစ်ကြောင်းတွင်ပါဝင်သော သံဃာတော်တစ်ပါးကို စစ်ကောင်စီက ဖမ်းဆီးလိုက်ပြီး ရိုက်နှက် နှိပ်စက်မှုများကြောင့် အ သက်အန္တရာယ်စိုးရိမ်လျက်ရှိကြောင်း သံဃသမဂ္ဂ(မန္တလေး)က ယနေ့ (ဖေဖော်ဝါရီ ၁၀) ထုတ်ပြန်သည်။

ဖမ်းဆီးခံလိုက်ရသည့်သံဃာတော်မှာ သဂ်ဇာကျောက်တိုက်မှ ဆရာတော် တစ်ပါးဖြစ်ပြီး ယမန်နေ့(ဖေဖော်ဝါရီ ၉)ညပိုင်းတွင် စစ်ကောင် စီ၏ဖမ်းဆီးခြင်းကို ခံလိုက်ရခြင်းဖြစ်ကြောင်း ထုတ်ပြန်ချက်တွင် ဖော်ပြသည်။

“အဖမ်းခံလိုက်ရတဲ့ သင်္ဂဇာ​ကျောင်းတိုက်ကဆရာ​တော်ဟာ အကြမ်းဖက် စစ်အုပ်စုက ဖမ်း ဆီးရမိစဉ်မှာ ပြင်းပြင်းထန်ထန် ရိုက်နှက်၊ နှိပ်စက်၊ ထိုးကြိတ်ခံခဲ့ရကြောင်းလည်း သိရပါတယ်။ အခု ဆရာ​​တော်ကိုဘယ်မှာ ဖမ်းဆီးထားတယ်ဆိုတာလဲ မသိရသလို အားလုံးနဲ့ အဆက်အ သွယ်မရဘဲ ဖြစ်နေပါတယ်”ဟု သံဃသမဂ္ဂ(မန္တလေး)မှ မိန့်ကြားသည်။

ထို့အပြင် မန္တလေးမြို့ မစိုးရိမ်တိုက်သစ်သို့ ည ၁ နာရီအချိန် အကြမ်းဖက် အုပ်စုမှ ကား(၇)စီးဖြင့်ရောက်ရှိလာပြီး ပိတ်ထား​​သော တံခါးကို ​အုပ်တံတိုင်း​ကျော်၍ ကိုယ်တိုင်​သော့ဖွင့်ပြီး မစိုးရိမ်တိုက်သစ်ထဲမှ ကျောင်းတစ်ကျောင်းကို ဝင်​ရောက်ရှာဖွေခံရကြောင်းလည်း ထုတ်ပြန်ချက်တွင် ဖော်ပြသည်။

Public Service Announcement

ကျောင်းရှိ သံဃာတော်အားလုံးကို လိုက်လန် စစ်ဆေးမေးမြန်းမှုများ လုပ်​ဆောင်သည့်အပြင် ​သံဃာ​တော်များ၏ လက်ကိုင်ဖုန်း​များပါမကျန် စစ်​ဆေး ခံခဲ့ရ​ကြောင်း သံဃသမဂ္ဂက အသိပေးထားသည်။

သပိတ်စစ်ကြောင်းတွင်လိုက်ပါ၍ အဖမ်းခံလိုက်ရသော ဆရာတော်အား ယမန်နေ့ညက မြေပြင်သပိတ်မှ လူငယ်လေးဦးဖမ်းဆီးခံရပြီး နာရီပိုင်း အကြာတွင် ထပ်မံဖမ်းဆီးခံခဲ့ရ ခြင်းဖြစ်သည်။