ဆရာဝန်တွေ ကိုဗစ်ဖြစ်နေတာကြောင့် ရန်ကုန်ပြည်သူ့ဆေးရုံကြီး ရဲ့ အထူးကုပြင်ပလူနာဌာန ငါး ခုကို ခေတ္တ ပိတ်ထားမယ်လို့ သတင်းထုတ်ပြန်ထားပါတယ်။
အဲဒီဌာနတွေကတော့ ကင်ဆာဆေးကုဌာန ၊ အစာအိမ်နဲ့အူလမ်းကြောင်းဆေးကုဌာန ၊ အကြောအဆစ်အထူးကုဌာန ၊ ဟော်မုန်းရောဂါအထူးဌာန ၊ အထွေထွေအထူးကုသမားတော်ဌာန တို့ဖြစ်ပါတယ်။
ကင်ဆာဆေးကုဌာန ကလွဲရင် အခြားဌာန လေးခုကို ဖေဖော်ဝါရီလ ၁၅ ရက်ကနေ ဖေဖော်ဝါရီလ ၂၅ ရက်အထိ ပိတ်ထားမယ်လို့သိရပါတယ်။
ကင်ဆာဆေးကုဌာနကတော့ ဖေဖော်ဝါရီလ ၁၅ ရက်မှာစတင်ပိတ်ထားမယ့် ပြန်ဖွင့်မယ့်အချိန်ကိုတော့ ဖော်ပြထားတာမတွေ့ရပါဘူး။
ပြီးခဲ့တဲ့ ရက်ပိုင်းကလည်း နှလုံးအထူးကုဆရာဝန်ကြီးတွေ ကိုဗစ်ကူးခံရလို့ နှလုံးဆေးကုပြင်ပလူနာဌာနကို ဖေဖော်ဝါရီလ ၁၄ ရက်နေ့ကနေ ဖေဖော်ဝါရီလ ၂၁ ရက်အထိပိတ်ထားမယ်လို့ ကြေညာထားတာရှိပါတယ်။