ဆောမြို့နယ်မှ ​လောင်းရှည်မြို့နယ်သို့ ဦးတည်လာသည့် စစ်​ကောင်စီတပ်စစ်​ကြောင်း မိုင်းမိ၍ သုံးဦး​သေ၊ ​ခြောက်ဦးခန့်ဒဏ်ရာရ

မကွေးတိုင်း ဆောမြို့မှ လောင်းရှည်မြို့နယ်ဘက်သို့ ဦးတည်လာသော စစ်ကား ၁၆စီးနှင့် အင်အား ၂၅၀ခန့်ပါ အကြမ်းဖက်စစ်ကောင်စီတပ်မိုင်းမိ၍ သုံးဦးသေပြီး ခြောက်ဦးခန့်ဒဏ်ရာရရှိကြောင်း PDF-SAW က ယနေ့ (ဖေဖော်ဝါရီ ၁၇ ရက်) ထုတ်ပြန်သည်။

ခက်ရင်းခွသဏ္ဍာန်ဖော်ကာ စစ်ကြောင်းထိုး ချီတက်လာသော အကြမ်းဖက်စစ်ကောင်စီတပ်သည် ဖေဖော်ဝါရီ ၁၆ ရ​က်က PDF-SAW မှ ထောင်ထားသည့် တိုက်မိုင်း သုံးလုံးကြောင့် ထိခိုက်သေဆုံးမှုများရှိခဲ့ခြင်းဟု ဆို သည်။

သေဆုံးသွားသူများအနက် (၂)ပွင့်ဗိုလ်တစ်ဦး ပါရှိကာဖေဖော်ဝါရီ ၁၇ ရက် နေ့လည်ပိုင်းတွင် လောင်းရှည်မြို့တွင် သင်္ဂြိုဟ်ခဲ့ပြီး စစ်ကောင်စီတပ်မှ ရဟတ်ယာဥ်ဖြင့် အမိန့်ပြန်တမ်း လာရောက်ထုတ်ပြန်ပေးသွားသည်ဟု PDF -Saw က အသိပေးသည်။

ယခုလ ဒုတိယပတ်ကစ၍ အကြမ်းဖက်စစ်ကောင်စီတပ်က ယောဒေသများအနက် ယော၊ လောင်းရှည်ကို စစ်ကြောင်းထိုးရန် ပြင်ဆင်ခဲ့ပြီး ယောဒေသ၌ လမ်းကြောင်းတစ်လျှောက်တွင် ပြည်သူ့ကာကွယ်ရေးပူးပေါင်းတပ်များက ဖေဖော်ဝါရီ ၁၀ရက်တွင် ကြားဖြတ်တိုက်ခိုက်ခဲ့သည်။

Public Service Announcement

အဆိုပါကြားဖြတ်တိုက်ခိုက်ခြင်းမှာကြောင့်ဖေဖော်ဝါရီ ၁၃ရက်အထိ တိုက်ပွဲများပြင်းထန်ခဲ့ပြီး အကြမ်းဖက်စစ်ကောင်စီတပ်မှ ၂၀ဦးထက်မနည်း သေဆုံးကြောင်း ဒေသဆိုင်ရာပြည်သူ့ကာကွယ်ရေးတပ်ဖွဲ့အသီးသီး ထုတ်ပြန်ထားသည်။