ကချင်ပြည်နယ် မိုးမြောက်မြို့နယ်တွင် ကချင်လွတ်လပ် ရေးတပ်မတော်(KIA)နှင့် အာဏာသိမ်းစစ်ကောင်စီတပ်တို့ ယနေ့ တိုက်ပွဲဖြစ်ပွားခဲ့ကြောင်း KIA သတင်းနှင့် ပြန်ကြားရေးဌာနက ဖော်ပြသည်။
ဖေဖော်ဝါရီ ၁၇ရက် နေ့လည်ပိုင်းက မိုးမောက်မြို့အထက်၊ Kumbang Wawang နှင့် လုံဂျာဘွမ်ကြား တွင် တိုက်ပွဲဖြစ်ပွားခဲ့ကြောင်း၊ မိုးမောက်တွင်တပ်စွဲထားသည့် ခ.မ.ရ (၄၃၇)တပ်မှ စစ်အင်အား၁၀၀ခန့်ဖြင့် KIA တပ်စွဲရာနေရာသို့ စစ်ရေးလှုပ်ရှားလာ၍ ခုခံတိုက်ခိုက်ခဲ့ခြင်းဖြစ်သည်ဟု ဆိုသည်။
တိုက်ပွဲမှာ ၁နာရီခန့်ကြာမြင့်ခဲ့ကြောင်း ဖော်ပြထားပြီး နှစ်ဖက်ထိခိုက်ကျဆုံးမှုရှိ၊မရှိ ဖော်ပြမထားပေ။
ကချင်ပြည်နယ်အတွင်းသို့ စစ်ကောင်စီမှဆက်တိုက်စစ်ရေး လှုပ်ရှားလာသောကြောင့် မကြာခဏ တိုက်ပွဲဖြစ်နေသည်ဟု ဆိုသည်။