▪️စစ်ကောင်စီဘက်မှ နှစ်ဦးနှင့်အထက် ဒဏ်ရာရဟုဆို
မွန်ပြည်နယ် ကျိုက်ထိုမြို့နယ် အင်္ဂဘိုကျေးရွာရှိ Mytel တာဝါတိုင် လုံခြုံရေးဆောင်ရွက်နေသော စစ်ကောင်စီတပ်များအား ကရင်အမျိုးသားအစည်းအရုံး(KNU/KNLA) နှင့် ကျိုက်ထိုတော်လှန်ရေးအင်အားစု(KRF) ပူးပေါင်းအဖွဲ့မှ တိုက်ခိုက်ခဲ့သည်ဟု KRFက ထုတ်ပြန် သည်။
ဖေဖော်ဝါရီ ၂၀ရက်ညပိုင်းတွင် အဆိုပါ စစ်ကောင်စီတပ်များအား ပစ်ခတ်တိုက်ခိုက်ခဲ့ရာ စစ်ကောင်စီတပ်သားနှစ်ဦးနှင့်အထက် ဒဏ်ရာရရှိကြောင်း ဖော်ပြထားပြီး ပူးပေါင်းအဖွဲ့မှ ထိခိုက်မှုမရှိ ပြန်လည်ဆုတ်ခွာနိုင်ခဲ့သည်ဟု ဆိုသည်။
KRFအနေဖြင့် စစ်အာဏာရှင်စနစ်ကျဆုံးသည်အထိ ဆက်လက် တိုက်ပွဲဝင်သွားမည်ဖြစ်ပြီး ပြည်သူလူထု၏ အသက်၊အိုးအိမ်၊စည်းစိမ်ကို ကာကွယ်စောင့်ရှောက်သွားမည်ဖြစ်ကြောင်း ထုတ်ပြန်ချက်၌ ဖော်ပြသည်။
စစ်ကောင်စီလက်ပါးစေများ၊ သတင်းပေးဒလန်များနှင့် စစ်ကောင်စီ ထောက်တိုင်များအား ဆက်လက်၍ တိုက်ခိုက်ချေမှုန်းသွားမည် ဖြစ်ကြောင်းလည်းကြေညာခဲ့သည်။